„დავსხდეთ თქვენს ეთერში და ვისაუბროთ პოლიტიკურ ოლიგარქიაზე, მეორე მხარეს ბიძინა ივანიშვილი დასვით...“ - გიორგი გახარია „იმედს“ მიმართავს
1666956302
პარტია „საქართველოსთვის“ ლიდერი, გიორგი გახარია სოციალურ ქსელში კადრებს ასაჯაროებს, რომელშიც ჩანს, რომ ტელეკომპანია „იმედის“ გადამღები ჯგუფი მას სახლთან ელოდება.
გახარიამ ტელეკომპანიას მიმართა და აღნიშნა, რომ სახლთან დახვედრას სჯობს, ეთერში მიიწვიონ და იქ ისაუბრონ კორუფციასა და ოლიგარქიაზე. გახარია, ასევე, არხს სთავაზობს, მეორე მხარეს ქვეყნის ყოფილი პრემიერ-მინისტრი, ბიძინა ივანიშვილი დასვან.
„TV Imedi, როგორც ჩანს, ბევრი კითხვა დაგიგროვდათ. დავსხდეთ თქვენს ეთერში და ვისაუბროთ პოლიტიკურ კორუფციაზე, ოლიგარქიაზე, იმაზე, თუ როდიდან დაიწყო ქვეყნის საგარეო კურსის ცვლილება. ჩუმად სახლში დადგომას ასე სჯობს. ნებისმიერ თქვენთვის მისაღებ ფორმატში - გნებავთ იყოს დებატების ფორმატი, მეორე მხარეს ბიძინა ივანიშვილი დასვით, „ქართული ოცნების“ ბოსები, ან თუნდაც მთლიანად ის, რაც „ქართული ოცნებიდან“ დარჩა“, - წერს გახარია.
ასევე დაგაინტერესებთ:
