„ხალხსაც მოაბეზრეს თავი, ეს არის ცარიელი პოლიტიკური სპეკულაციები“ - ირაკლი კობახიძე სააკაშვილის ჯანმრთელობაზე
1665058019
პარტია „ქართული ოცნების“ თავმჯდომარე ირაკლი კობახიძე საქართველოს მესამე პრეზიდენტის ჯანმრთელობის მდგომარეობას გამოეხმაურა. მისი თქმით, საუბრები იმაზე, რომ მიხეილ სააკაშვილის მძიმე მდგომარეობაშია და კვდება, სპეკულაციაა.
„ყოველდღიურ რეჟიმში საუბრობენ იმაზე, რომ არის სიკვდილის საფრთხე, ჯანმრთელობის რადიკალურად გაუარესების საფრთხე და ასე შემდეგ. ერთი წელია, მიდის ამაზე საუბარი და ხალხსაც მოაბეზრეს თავი. რეალურად, არავითარი საფუძველი არ აქვთ. შევიდა სახალხო დამცველი და დიაგნოზიც კი ვერ გამოიტანა ციხიდან. ეს არის ცარიელი პოლიტიკური სპეკულაციები.
თავიდან ბოლომდე სასჯელაღსრულების დაწესებულება და საავადმყოფოა პასუხისმგებელი იმაზე, რომ იზრუნოს პატიმრის ჯანმრთელობაზე და ეს ასე გაგრძელდება, ეს სახელმწიფოს პასუხისმგებლობაა“ - განაცხადა კობახიძემ.
ასევე დაგაინტერესებთ:
👉 კაცმა, რომელმაც ტაილანდში საბავშვო ბაღში 32 ადამიანი მოკლა, თავისი ოჯახი დახოცა და თავი მოიკლა - BBC
👉 კახა კალაძემ თეა წულუკიანის უწყება 25 000 ლარით დააჯარიმა
