აბა, სად ხართ ის ხალხი, ვინც მე 2008 წელს ომის დაწყებას და პროვოკაციაზე წამოგებას მედავებოდა? - მიხეილ სააკაშვილი
1645519009
მესამე პრეზიდენტი მიხეილ სააკაშვილი კრემლის ლიდერის ვლადიმირ პუტინის მიერ უკრაინის ორი რეგიონის დონეცკ-ლუგანსკის „დამოუკიდებელ რესპუბლიკებად“ ცნობას გამოეხმაურა და აღნიშნა, რომ პუტინმა უკან დაიხიაი.
სააკაშვილის თქმით, უკარინას და საქართველოს რაც არ უნდა ექნათ, აღიარება მაინც მოხდებოდა.
„სინამდვილეში პუტინმა უკან დაიხია და უარი თქვა უკრაინის თავდასხმაზე, დასავლეთის უპრეცედენტო ერთიანობამ და უკრაინელი ხალხის ერთ მუშტად შეკვრამ თავისი სიტყვა თქვა. რაც მან ე.წ. აღიარა, იმას ისედაც აკონტროლებდა. ამით მოკლა მისთვის მოგებიანი მინსკის ხელშეკრულება და ოფიციალურად მიიღო ოკუპანტის სტატუსი. აბა, სად ხართ ის ხალხი, ვინც მე 2008 წელს ომის დაწყებას და პროვოკაციაზე წამოგებას მედავებოდა. ისევ აწვებით პირველ ჩვენებას?
ახლა ხომ დაინახეთ, რომ უკარინას და საქართველოს რაც არ უნდა ექნათ, აღიარება მაინც მოხდებოდა, ოღონდ საქართველოს უკრაინისგან განსხვავებით არ აქვს სტრატეგიული სიღრმე და რუსები თბილისს აიღებდნენ“, - აცხადებს მიხეილ სააკაშვილი.
ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.
ვლადიმერ პუტინის ვიდეომიმართვა, დაახლოებით 40 წუთის განმავლობაში მიმდინარეობდა. როგორც მან პირდაპირ ეთერში საუბრისას აღნიშნა, დონბასში ვითარებამ კვლავ კრიტიკული, მწვავე ხასიათი მიიღო. პუტინის განცხადებით, რუსეთისთვის უკრაინა უბრალოდ მეზობელი ქვეყანა არ არის.
ამავე თემაზე:
📎 ვოლოდიმირ ზელენსკიმ რუსეთის მიერ ლუგანსკისა და დონეცკის დამოუკიდებლობის აღიარება ბაიდენთან განიხილა
