არცერთ შემთხვევაში, არცერთ ეტაპზე სააკაშვილის აქ ყოფნისას სასამართლოში წაყვანის და ტრანსპორტირების ნებართვა არ გაგვიცია - ნინო ნადირაძე
1669636257
კლინიკა „ვივამედის“ დირექტორის ნინო ნადირაძის განცხადებით, კლინიკას არცერთ შემთხვევაში, არცერთ ეტაპზე ექსპრეზიდენტ მიხეილ სააკაშვილის სასამართლოში წაყვანის და ტრანსპორტირების ნებართვა არ გაუცია.
„არც მანამდე მიგვიცია ტრანსპორტირებაზე თანხმობა, პარასკევს ჩატარდა ნევროლოგის კონსულტაცია, რომელმაც უარყოფითი დინამიკა აღნიშნა, დაინიშნა შესაბამისი კვლევები, დღეს და ხვალ ამ კვლევებს ჩავატარებთ, განისაზღვრება შემდგომი მკურნალობის ტაქტიკა.
გადაყვანის შესახებ გითხარით, რომ არცერთ შემთხვევაში არცერთ ეტაპზე მისი აქ ყოფნისას სასამართლოში წაყვანის და ტრანსპორტირების ნებართვა არ გაგვიცია. პაციენტის პოზიცია ჩემი გადასაწყვეტი არ არის, ეს მისი სუბიექტური აზრია, შესაბამისად ის თავის სიტყვებზეა პასუხისმგებელი, სამედიცინო კუთხით ჩვენ ვაგებთ პასუხს“, - აღნიშნა ნადირაძემ „ტვ პირველთან“ საუბარში.
ამავე თემაზე:
