რამდენიმე დღეა ვითხოვ კონსილიუმის შემოსვლას, ვთხოვ სახალხო დამცველს ხელი შეუწყოს ამ პროცესს - მიხეილ სააკაშვილი
1679995249
ექსპრეზიდენტი მიხეილ სააკაშვილი სახალხო დამცველს ლევან იოსელიანს მოუწოდებს, მასთან უმაღლესი კვალიფიკაციის სპეციალისტებით დაკომპლექტებული კონსილიუმი შევიდეს.
მიხეილ სააკაშვილი სახალხო დამცველს მიმართავს და სთხოვს, ხელი შეუწყოს კლინიკაში ომბუდსმენის კონსილიუმის შესვლის პროცესს.
„ბოლო დღეებში ჩემი ჯანმრთელობის მდგომარეობა ისევ გაუარესდა. როდესაც შევხვდი სახალხო დამცველს ლევან იოსელიანს შევთანხმდით, რომ მის ოფისთან არსებული უმაღლესი კვალიფიკაციის სპეციალისტებით დაკომპლექტებული კონსილიუმი გააგრძელებდა მუშაობას.
უკვე რამდენიმე დღეა ვითხოვ კონსილიუმის შემოსვლას, რამდენადაც ვიცი ისინი მზად არიან. ვთხოვ სახალხო დამცველს ხელი შეუწყოს ამ პროცესს, მით უფრო, იმ ფაქტის გათვალისწინებით, რომ ევროკავშირის ექიმებს მთავრობა ჯიუტად არ უშვებს ქვეყანაში, ეს კონსილიუმი განსაკუთრებით მნიშვნელოვანია“, - წერს მიხეილ სააკაშვილი.
აგრეთვე წაიკითხეთ:
👉 შეიძლება მანდატების დატოვება მოგვიწიოს - თაკო ჩარკვიანი
👉 ირაკლი ღარიბაშვილთან ნორმალური კომუნიკაცია არ მაქვს - სალომე ზურაბიშვილი
