„კორონავირუსით გარდაცვალების შემთხვევების უდიდესი ნაწილი არავაქცინირებულ პირებში ფიქსირდება“ - თამარ გაბუნია
1630660080
„კორონავირუსით გარდაცვალების შემთხვევების უდიდესი ნაწილი არავაქცინირებულ პირებში ფიქსირდება“, - ამის შესახებ საქართველოს ჯანდაცვის მინისტრის მოადგილემ თამარ გაბუნიამ ჟურნალისტებს განუცხადა.
მისი თქმით, ჰოსპიტალში მოხვედრილი პაციენტების უდიდესი ნაწილი არის აუცრელი, ასევე, გარდაცვალების უდიდესი ნაწილიც არის არავაქცინირებულ პირებში.
„გარდაცვალების შემთხვევები დომინანტური ისევ მაღალ ასაკობრივ ჯგუფში რჩება 70 წლის ზემოთ. სხვა ასაკობრივ ჯგუფებში კი, გარდაცვალების შემთხვევები ერთეულია. მსგავსი იყო გასული ტალღების პერიოდშიც.
ერთ-ერთი საყურადღებო ფაქტორი, რაც გარდაცვალებასთან მიმართებაში სახელდება არის, ასევე, კლინიკაში დროული მომართვიანობა, რისთვისაც პირველადი ჯანდაცვის ექიმები აქტიურად მუშაობენ და როგორც კი პირველივე საგანგაშო ნიშნებს შეამჩნევენ მაშინვე ხდება პაციენტის გადამისამართება.
ჰოსპიტალში მოხვედრილი პაციენტების უდიდესი ნაწილი და გარდაცვლილი პაციენტების უმეტესობა არავაქცირებულ იყო“, - აცხადებს თამარ გაბუნია.
აგრეთვე წაიკითხეთ: 👇
