„რეგულაციების გამკაცრება იგეგმება“ - ამირან გამყრელიძე
1626252244
დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, არსებული რეგულაციების გამკაცრება იგეგმება.
მისი თქმით, გამკაცრებული ზედამხედველობა იქნება იმაზე, თუ როგორ იცავს საზოგადოება რეგულაციებს.
„ყველამ უნდა დავიცვათ ის რეგულაციები, რაც არის. რა თქმა უნდა, გამკაცრება იგეგმება, ის რომ მეტი ზედამხედველობა იქნება: პირბადის ტარებაზე, ასევე, დიდ თავყრილობებზე, იქნება ეს ქორწილებზე, ჭირის სუფრებზე, ასევე, კონგრესებსა და კონფერენციებზე და ა.შ.
როგორც გითხარით, ჩვენი ინიციატივა არის, რომ ამ კონფერენციებზე და კონგრესებზე მხოლოდ და მხოლოდ დაშვებული იყოს ორჯერ აცრილი პირები ან ტესტირება ჩატარებული ადამიანები“, - განაცხადა ამირან გამყრელიძემ.
ინფორმაციისათვის, ამერიკულ-გერმანული წარმოების „ფაიზერის“ ვაქცინის 28 000 დოზა უკვე საქართველოშია.
„ფაიზერით“ ვაქცინაციისთვის რეგისტრაცია მოქალაქეებს 14 ივლისს, 15:00 საათიდან შეეძლებათ, აცრის პროცესი კი 16 ივლისიდან დაიწყება. ფაიზერით ვაქცინაციისთვის ვიზიტის დაჯავშნა შესაძლებელია ელექტრონულ პორტალზე – booking.moh.gov.ge
იხილეთ აგრეთვე:
✅საქართველოში ფაიზერის ვაქცინა 14 000 ადამიანისთვისაა განკუთვნილი - გამყრელიძე
✅7 დაწესებულება, სადაც მოქალაქეები ფაიზერით აცრას შეძლებენ
✅1663 ინფიცირება, 769 გამოჯანმრთელება, 13 გარდაცვალება - ეპიდვითარება საქართველოში
