ვაქცინები 90%-ით ეფექტიანია კორონავირუსის მძიმე ფორმების წინააღმდეგ - კვლევა
1633981569
კორონავირუსი საწინააღმდეგო ვაქცინაცია ამცირებს ჰოსპიტალიზაციისა და სიკვდილის რისკს 90%-ით 50 წელზე უფროსი ასაკის ადამიანებში და ასევე, ეფექტიანია დელტას ვარიანტის წინააღმდეგ, - ამის შესახებ საფრანგეთში ჩატარებულ კვლევაშია ნათქვამი.
მკვლევრებმა 2020 წლის დეკემბრიდან შეგროვებული მონაცემები შეისწავლეს, როდესაც საფრანგეთმა ვაქცინაციის კამპანია დაიწყო და 11 მილიონი აცრილი ადამიანის მონაცემები 11 მილიონი არავაქცინირებული ადამიანის მონაცემებს შეადარეს.
„კვლევის შედეგები ცხადყოფს, რომ აცრილ ადამიანებს ჰოსპიტალიზაციის ან სიკვდილიანობის რისკი 9-ჯერ ნაკლები აქვთ, ვიდრე არავაქცინირებულებს“, - აცხადებს AFP ეპიდემიოლოგი მაჰმუდ ზურეიკი.
მეორე დოზის ინექციიდან 14 დღის შემდეგ, ჰოსპიტალიზაციის რისკი 90%-ით შემცირდა.
ვაქცინებმა, ასევე, ეფექტიანობა აჩვენეს დელტა ვარიანტის წინააღმდეგ 75 წელზე უფროსი ასაკის ადამიანებში - 84%, ხოლო 92% - 50-74 წლის პირებში.
დაკვირვება შეეხო შემდეგ ვაქცინებს: „ფაიზერი“ „მოდერნა“ და „ასტრაზენეკა“.
აგრეთვე წაიკითხეთ:
✅ ფაიზერის მესამე დოზა დელტა შტამისგან დაცვას მნიშვნელოვნად ზრდის
✅ 5-11 წლის ბავშვებისთვის „ფაიზერით“ ვაქცინაცია უსაფრთხოა - კვლევა
✅ „სინოვაკით“ და „სინოფარმით“ აცრილმა 60 წლიდან ზემოთ ასაკის პირებმა მესამე დოზა უნდა მიიღონ - WHO
