„ვინც არ იყენებს სამედიცინო პირბადეს და არ იცრება, მკვლელია“ - გიორგი ფხაკაძე
1636538696
საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში ეპიდვითარების გაუარესების შესახებ წერს.
მისი თქმით, საქართველოში კორონავირუსის მე-5 ტალღა უკვე დაწყებულია.
„საქართველოში დაიწყო კოვიდის მე-5 ტალღა. დღეს საქართველომ დაკარგა 78 მოქალაქე. ეს არის მხოლოდ და მხოლოდ დასაწყისი. დეკემბერი საქართველოში იქნება უმძიმესი. გამოფხიზლდით, გონს მოეგეთ… საკუთარ თავს უწყობთ გენოციდს. ყველა ვართ დამნაშავე, დიახ, ყველა.
გამოსავალი არის მხოლოდ ერთობაში.საქართველოს ჰყავს ორი მტერი: კოვიდი და რუსეთი. 78 ადამიანი მაინცდამაინც 100 ადამიანის სიკვდილის შემდეგ დავიწყებთ შეწუხებული სახეებით სიარულს რა გვჭირს? ყველა, ვინც არ იყენებს სამედიცინო პირბადეს, არის მკვლელი. ყველა, ვინც არ იცრება არის მკვლელი.
ყველა არაპროფესიონალი, ვინც იღებს უაზრო გადაწყვეტილებებს (ჩამონათვალი დიდია), არის მკვლელი. ყველა ეგრეთ წოდებული “ანტივაქსერი”, “ბლოგერი” თუ ჯანდაბა - ყველანი არიან მკვლელები.
კვდებიან აუცრელი ადამიანები. ვირუსს ავრცელებენ აუცრელი ადამიანები. გამოსავალი არის მხოლოდ შემდეგში:
ქვეყანა დღესვე უნდა გადავიდეს ერთ ვაქცინაზე (ფაიზერზე). ვაქცინა უნდა იყოს სავალდებულო 100%,იანი დაფარვით კონკრეტული ჯგუფებისთვის: სამედიცინო სფერო, საგანმანათლებლო სფერო, სერვისის სფერო, ძალოვანი სტრუქტურები, და მედია.
კოვიდ ელექტრონული სტატუსი უნდა იყოს დანერგილი ქვეყანაში რაც შეიძლება, მალე, მაქსიმუმ 1 კვირაში და წარდგენილი “მწვანე” კრიტერიუმები არის გადასახედი. უნდა იყოს მხოლოდ 2 კრიტერიუმი: ფაიზერით აცრილი 6 თვე ან პსრ ტესტი 72 საათი. თავს ნუ ვიტყუებთ მწვანე საშვი არ უნდა სჭირდებოდეს: აფთიაქი, საავადმყოფო, სასურსათო მაღაზია და შიდა საქალაქო ტრანსპორტი,. ყველა დანარჩენ შემთხვევაში უნდა იქნეს ამოქმედებული მწვანე საშვი თავისი ჯარიმით 500ლარი დაწესებულებას თითოეულ არა მწვანე საშვიანზე.
სამედიცინო პირბადე უნდა იყოს სავალდებულო ყველგან გარე და შიდა სივრცეებში (განსაკუთრებით სასწავლო დაწესებულებებში) და ჯარიმა უნდა იყოს მყისიერი, 50 ლარი
დისტანცია მინიმუმ 1 მეტრი უნდა იქნეს დაცული საზოგადოებრივ ტრანსპორტში, სხვა დახურულ სივრცეში - 1.5 მეტრი, სასურველია 2 მეტრიანი დისტანცია.
ყველა დაწესებულებამ განიხილოს დისტანციურ რეჟიმზე მაქსიმალურად გადასვლა. დიახ, ყველა კერძო და საჯარო სამსახურები უნდა გადავიდნენ დისტანციურზე. გეკითხებით ბუღალტერს, ანალიტიკოსს, და იურისტს რა უნდა ოფისში ?!
გამოვიყენოთ საღი აზრი და გადავარჩინოთ სიცოცხლე. სხვა ალტერნატივა არ არის“, - წერს გიორგი ფხაკაძე.
აგრეთვე წაიკითხეთ: 👇
👉 „რეანიმაციაში მყოფი ყველა პაციენტი არავაქცინირებულია“ - ლევან გოფოძე
👉 კორონავირუსი, გაციება, ალერგია და გრიპი - განსხვავება დაავადებებს შორის
👉 „მდგომარეობა უკვე საშიშია - მოსალოდნელია სიკვდილიანობის მაჩვენებლის მატება“ - აკაკი ზოიძე
👉 „აცრილებში ფილტვის ქსოვილი შედარებით ნაკლებად ზიანდება“ - ლევან რატიანი
