გარნიზონმა „მარიუპოლმა“ საბრძოლო დავალება შეასრულა - უკრაინის გენშტაბი
1652768214
უკრაინის შეიარაღებული ძალების გენერალური შტაბი წერს, რომ უმაღლესმა სამხედრო სარდლობამ „აზოვსტალში“ განლაგებულ ქვედანაყოფების მეთაურებს პერსონალის სიცოცხლის გადარჩენა უბრძანეს. გარნიზონმა „მარიუპოლმა“ საბრძოლო დავალება შეასრულა.
შტაბის ინფორმაციით, ქარხნის ტერიტორიაზე ბლოკირებული უკრაინის დამცველების გადარჩენის ოპერაცია მიმდინარეობს.
„53 მძიმედ დაჭრილი სამხედრო მოსამსახურის ევაკუაცია დაიწყო. ისინი ნოვოაზოვსკის სამედიცინო დაწესებულებაში გადაიყვანეს. კიდევ 211 დამცველი ჰუმანიტარული დერეფნის გავლით ოლენივკაში გადაიყვანეს, შემდეგ კი უკრაინის მიერ კონტროლირებად ტერიტორიაზე გაცვლითი პროცედურის მეშვეობით დააბრუნებენ.
აზოვსტალის ტერიტორიაზე დარჩენილი დამცველების გადარჩენის ღონისძიებები გრძელდება.
მარიუპოლის დამცველები ჩვენი დროის გმირები არიან. ისინი სამუდამოდ დარჩებიან ისტორიაში. ეს არის ცალკე სპეციალური დანაყოფი „აზოვი“, უკრაინის ეროვნული გვარდიის მე-12 ბრიგადა, საზღვაო ქვეითთა 36-ე ცალკეული ბრიგადა, მესაზღვრეები, პოლიცია, მოხალისეები, მარიუპოლის დაცვა.
აზოვსტალზე პოზიციების დაკავებისას მათ მტერს არ მისცეს უფლება, 17-მდე ბატალიონის ტაქტიკური (დაახლოებით 20 000 პერსონალი) ჯგუფის სხვა რაიონებში გადაყვანის. ამან ხელი შეუშალა ზაპოროჟიეს სწრაფი აღების გეგმის განხორციელებას, დონეცკისა და ზაპოროჟიეს რეგიონების ადმინისტრაციულ საზღვართან წვდომას“, - წერს გენშტაბი.
აგრეთვე წაიკითხეთ:
👉 „ლვოვის რეგიონზე რაკეტების რაოდენობის მიხედვით, ერთ-ერთი ყველაზე დიდი თავდასხმა მოხდა“ - ლვოვის მერი
👉 იმპორტის ჩანაცვლება - რუსული საწარმოები აყალბებენ „კოკა-კოლას“ და „სპრაიტს“ - მედია
