რუსები წარუმატებელ შეტევებს ატარებენ ხუთი მიმართულებით - უკრაინის გენშტაბი
1679895892
რუსები შეტევითი ოპერაციების ჩატარებას კუპიანსკის, ლიმანის, ბახმუტის, ავდიივკასა და მარინკას მიმართულებით ცდილობენ, - ამის შესახებ RBC-Ukraine უკრაინის შეიარაღებული ძალების გენერალური შტაბზე დაყრდნობით იუწყება.
გენშტაბის ცნობით, გასულ დღეს ოკუპანტებმა განახორციელეს 2 სარაკეტო და 23 საჰაერო დარტყმა, სამხედროების პოზიციებზე და დასახლებული უბნების სამოქალაქო ინფრასტრუქტურაზე.
„ვოლინსკში, სივერსკში და სლობოჟანსკოეს მიმართულებებით, ოპერატიული ვითარება მნიშვნელოვნად არ შეცვლილა, შემტევი ჯგუფების ფორმირების ნიშნები არ დაფიქსირებულა. ბელორუსის რესპუბლიკის ტერიტორიაზე რუსეთის ფედერაციის შეიარაღებული ძალების ქვედანაყოფების საბრძოლო მომზადების ღონისძიებები გრძელდება.
ოკუპანტი აგრძელებს სამხედრო ყოფნის შენარჩუნებას კურსკის და ბელგოროდის რეგიონების სასაზღვრო რაიონებში. ბოლო 24 საათის განმავლობაში ოკუპანტმა დაბომბა სუმის რეგიონი.
დღის განმავლობაში კუპიანსკისა და ლიმანის მიმართულებებზე ოკუპანტმა წარუმატებელი შეტევითი მოქმედებები ჩაატარა. მან განახორციელა საარტილერიო დაბომბვა ხარკოვის მხარის კუპიანსკისა და ტაბაივკას დასახლებების რაიონებში. ოკუპანტი აგრძელებს შეტევას ქალაქ ბახმუტზე. ოკუპანტმა დაბომბა 20-ზე მეტი დასახლება, მათ შორის ორიხოვო-ვასილივკა, ჩასივიარი და ტორეცკი.
მარინკას მიმართულებებზე ოკუპანტმა წარუმატებელი შეტევითი მოქმედებები ჩაატარა. ოკუპანტმა 15-ზე მეტი დასახლება დაბომბა.
შახტარსკის მიმართულებით ოკუპანტმა დაბომბა დონეცკის ოლქის პობიედას, ნოვომიხაილოვკას, უგლედარის, დასახლებები.
ოკუპანტი აგრძელებს თავდაცვას ზაპოროჟიესა და ხერსონის მიმართულებით. გაათავისუფლეს 30-ზე მეტი დასახლება. გასულ დღეს უკრაინულმა ავიაციამ 3 დარტყმა მიაყენა იმ უბნებს, სადაც ოკუპანტები იყვნენ კონცენტრირებული. სარაკეტო ძალების და საარტილერიო დანაყოფებმა ერთდროულად დაარტყეს 1 საკონტროლო პუნქტს, ოკუპანტის ცოცხალი ძალის კონცენტრაციის 4 უბანს და დამპყრობლის საბრძოლო მასალის საცავს“, - აცხადებენ გენშტაბში.
აგრეთვე წაიკითხეთ:
👉 ვლადიმერ პუტინი შესაძლოა, მოლაპარაკებებზე წავიდეს - ISW
👉 ომის წელს შეჩერება ცივილიზებული სამყაროს ამოცანაა - ზელენსკი
👉 უკრაინელებს გარკვეული ტერიტორიის დაბრუნება, შესაძლოა, დიპლომატიის დახმარებით მოუწიოთ - ბლინკენი
👉 სოციოლოგიური კვლევის თანახმად, რეჯეფ თაიფ ერდოღანს ამომრჩევლების 47.4 პროცენტი უჭერს მხარს
