რუსეთი დატყვევებული „აზოველების“ აშშ-სა და დასავლეთის წინააღმდეგ ომში გადაბირებას ცდილობდა - „აზოვის“ შტაბის უფროსი
1665060497
რუსი დამპყრობლები ცდილობდნენ ტყვედ ჩავარდნილი „აზოვის“ მებრძოლების გადაბირებას, რათა ებრძოლათ „აშშ-სა და დასავლეთის“ წინააღმდეგ. ამის შესახებ „აზოვის“ პოლკის მეთაურებმა განაცხადეს.
აზოვის პოლკის შტაბის უფროსმა ბოგდან კროტევიჩმა განაცხადა, რომ რუსებს განსხვავებული დამოკიდებულება ჰქონდათ ტყვეობაში მყოფი უკრაინელების მიმართ.
მისი თქმით, „ეფესბეს“ და რუსეთის ფედერაციის შეიარაღებული ძალების გენერალური შტაბის სადაზვერვო მთავარმა დირექტორატმა იცის, როგორ „მოახდინოს ზეწოლა ხალხზე“.
„აზოვთან“ დაკავშირებით, მთავარმა სადაზვერვო სამმართველომ შეიმუშავა შემდეგი სტრატეგია: როცა ტყვეობიდან გამოვედით, მათ სურდათ, ასე ვთქვათ, „აზოვის“ გადაბირება იმით, რომ „ბიჭებო, თქვენ კარგად იბრძვით, და ერთად გავანადგუროთ დასავლეთი და შეერთებული შტატები“, - განაცხადა შტაბის უფროსმა.
მან აღნიშნა, რომ „აზოველებს“ ერთსულოვანი აზრი ჰქონდათ, რომ რუსები უკრაინის მტრები იყვნენ.
„ჩვენ უკრაინელი სამხედროები ვართ, უკრაინა ჩვენი სამშობლოა... მე დავიბადე 1993 წელს, დავიბადე დამოუკიდებელ უკრაინაში, ჩემთვის მოტივაციაა ბრძოლა ნებისმიერის წინააღმდეგ, ვინც თავს დაესხმება ჩემს ქვეყანას. ასე რომ, ისინი ჩვენთვის მტრები არიან“, - ხაზგასმით აღნიშნა კროტევიჩმა.
ასევე დაგაინტერესებთ:
👉 კაცმა, რომელმაც ტაილანდში საბავშვო ბაღში 32 ადამიანი მოკლა, თავისი ოჯახი დახოცა და თავი მოიკლა - BBC
