უკრაინა გერმანულ ქვეითთა საბრძოლო მანქანების შეძენას უშუალოდ მწარმოებლისგან ცდილობს - Bild
1649579402
უკრაინა გეგმავს გერმანული ქვეითთა საბრძოლო მანქანების (IFVs) Marder შეძენას პირდაპირ Rheinmetall-ისგან. ვარაუდობენ, რომ წლის ბოლომდე 35 ავტომობილის მიწოდება იქნება შესაძლებელი. ამის შესახებ Bild წერს.
Bild-ის ცნობით, Rheinmetall-მა შესთავაზა ბუნდესვერს (გერმანიის ფედერაციული რესპუბლიკის შეიარაღებული ძალების სახელწოდება) სასწრაფოდ გადაეტანა საბრძოლო გამზადებული Marder უკრაინაში, შემდეგ კი მწარმოებლისგან მიიღებდა დასრულებულ აღჭურვილობას. მაგრამ გერმანიის თავდაცვის სამინისტრომ ეს ინიციატივა დაბლოკა.
ამასთან, Bild-ის ცნობით, სამინისტროს არც კი შეუფასებია BMP-ის (საბრძოლო მანქანის) მდგომარეობა. გარდა ამისა, მარტის ბოლოს Rheinmetall-მა გაუგზავნა თხოვნა გერმანიის თავდაცვის მინისტრს ქრისტინე ლამბრეხტს საბრძოლო მასალის შესაძენად და უკრაინაში მიწოდების შესახებ, მაგრამ პასუხი არ მიუღია.
„მართალი თუ არის ის, რომ სამინისტროს ჯერ არ შეუმოწმებია მარდერი, მაშინ ეს არის სკანდალი. რუსეთის ომი უკრაინის მშვიდობიანი მოსახლეობის განადგურების მიზნით 45 დღეა მძვინვარებს, მაგრამ ბერლინს, როგორც ჩანს, არსად ეჩქარება“, - განაცხადა უკრაინის ელჩმა გერმანიაში ანდრეი მელნიკმა.
აგრეთვე დაგაინტერესებთ:
🔴 ლუგანსკის რეგიონში მესაზღვრეებმა მტრის შეტევა მოიგერიეს და არტილერისტი ტყვედ აიყვანეს
🔴 რუბეჟნოეს შუაგულში პოზიციური ბრძოლა დაიწყო, შესაძლოა თავდასხმა სევეროდონეცკზეც - სერგეი გაიდაი
🔴 უკრაინელმა სამხედროებმა დნეპროპეტროვსკის რეგიონში მტრის ორი უპილოტო საფრენი აპარატი ჩამოაგდეს
🔴 დიდი დანაკარგების გამო რუსეთის ჯარში დნესტრისპირეთის მაცხოვრებლები აიყვანეს - ბრიტანეთის დაზვერვა
