კონფლიქტები

უკრაინის ჯარს მთელი დონბასის დაბრუნების შანსი უჩნდება - ექსპერტები

ომის სამი სცენარი
1652510648
დაკოპირებულია

აშშ-ის ომის შემსწავლელი ინსტიტუტი უკრაინაში ომის განვითარების სამ სცენარს ასახელებს. ამის შესახებ „უნიანი“ იუწყება. ინსტიტუტის ექსპერტების მიაჩნიათ, რომ უკრაინის კარს მთელი დონბასის დაბრუნების შანსი აქვს. 

ექსპერტების აზრით, რუსეთი ან უკვე ოკუპირებული ტერიტორიების მიერთებას შეეცდება, ან დამატებითი ძალების მობილიზებას გადაწყვეტს და ამისთვის დროს გაწელავს. კიდევ ერთი ვარიანტია, რომ რუსეთი იმ მიზნების მიღწევას შეეცდება, რაც არარეალურია და ეს საბოლოოდ მომდევნო თვეებში სამხედრო კრახს გამოიწვევს. თუ პუტინმა მობილიზაცია გამოაცხადა, ამასაც შეიძლება სამხედრო კრახი მოჰყვეს.

ომის ინსტიტუტის ანალიტიკოსების აზრით, უკრაინის შეიარაღებულ ძალებს დონეცკის და ლუგანსკის რესპუბლიკებიდან რუსული ძალების განდევნა შეუძლიათ, თუ რუსები შეტევას არ შეაჩერებენ. თუ შეტევის შეჩერება მოხდება, მაშინ გამოდის, რომ მოსკოვმა უკვე დაკავებული ტერიტორიების ანექსია გადაწყვიტა.

„რუსულ ძალებს ან დონბასში შეტევის შეჩერება მოუწევთ, ან ისინი სრულ კრახს განიცდიან“, - ამბობენ ომის ინსტიტუტის ექსპერტები.

ნებისმიერ შემთხვევაში კრემლს მოსახლეობისთვის მოუწევს იმის ახსნა, თუ რატომ ვერ მიაღწია ადრე გაცხადებულ მიზანს. 

ომის ინსტიტუტის ექსპერტები, ასევე, ამბობენ, რომ ხარკოვთან უკრაინის ძალებმა წარმატებული კონტრშეტევა განახორციელეს, რის შედეგად რუსებმა ადრე დაკავებული პოზიციები მიატოვეს და რუსეთის საზღვრისკენ იხევენ. ამის მიუხედავად, რუსებს ჯერ კიდევ აქვთ დონეცკის, ლუგანსკის და ხერსონის ოლქების დაკავების იმედი.

რამდენიმე დღის წინ უკრაინის თავდაცვის სამინისტრომ ომის მესამე ფაზის დაწყება გამოაცხადა. როგორც თავდაცვის მინისტრმა ალექსეი რეზნიკოვმა განაცხადა, დასავლეთის შეიარაღების ჩამოსვლამდე უკრაინას საკუთარი ძალებით ბრძოლა მოუწევს.

აგრეთვე წაიკითხეთ:

✔️ უკრაინის გამარჯვება სერიოზული დარტყმა იქნება პუტინის რეჟიმისთვის - მიხეილ კასიანოვი

✔️  უკრაინამ ხარკოვის ბრძოლა, სავარაუდოდ, მოიგო - ომის შემსწავლელი ინსტიტუტი

✔️  უკრაინის ჯარს მთელი დონბასის დაბრუნების შანსი უჩნდება - ექსპერტები

✔️ პენტაგონმა შესაძლოა შეაჩეროს უკრაინაში იარაღის მიწოდება

✔️ რუსები აზოვსტალში შეღწევას ცდილობენ