ვინიცაზე სარაკეტო თავდასხმის შედეგად დაღუპულთა რიცხვი 21-მდე გაიზარდა
1657806428
უკრაინის ქალაქ ვინიცაზე სარაკეტო თავდასხმის შედეგად დაღუპულთა რიცხვი 21-მდე გაიზარდა, კიდევ 51 დაშავებული ჰოსპიტალიზებულია, - ამის შესახებ ვინიცის ოლქის სამხედრო ადმინისტრაციის ხელმძღვანელმა სერგეი ბორზოვმა განაცხადა.
„ამ დროისთვის ქალაქში სარაკეტო თავდასხმის შედეგად დაიღუპა 21 ადამიანი, მათ შორის სამი ბავშვი. სამედიცინო დაწესებულებებს დახმარების თხოვნით 90-მა ადამიანმა მიმართა, 51 ჰოსპიტალიზებულია. სამაშველო ოპერაციები გრძელდება“, - განაცხადა ბორზოვმა.
ცნობისთვის, ქალაქზე რუსების თავდასხმა რამდენიმე საათის წინ მოხდა. რაკეტები საცხოვრებელ კორპუსებსა და ავტომობილების პარკინგს დაეცა. დამწვარია 25 ავტომობილი.
წინასწარი ინფორმაციით, 4 რაკეტა ჰაერსაწინააღმდეგო საშუალებებმა გაანადგურეს, ხოლო 3 ქალაქში აფეთქდა.
აგრეთვე წაიკითხეთ:
🔴 ვინიცაზე სარაკეტო იერიშს 12 ადამიანი ემსხვერპლა
🔴 უკრაინა უკვე 9 მლნ-მა ადამიანმა დატოვა
🔴 „ომი წლების ან თვეების განმავლობაში გაგრძელდება“ - საომარი მოქმედებების დასრულების სამი სცენარი
🔴 რუსეთის ფედერაციამ „მოხალისეთა ბატალიონების“ შექმნის ბრძანება გასცა - ISW
