უკრაინა უკვე 9 მლნ-მა ადამიანმა დატოვა
1657789654
რუსული აგრესიის დაწყებიდან უკრაინა უკვე 9 მლნ-მა ადამიანმა დატოვა. ამის შესახებ გაეროს ლტოლვილთა უმაღლესი კომისარიატი იუწყება. ინფორმაციას „ეხო კავკაზა“ ავრცელებს.
ყველაზე მეტი ლტოლვილი პოლონეთში გადავიდა - 1,2 მლნ. გერმანიაში 900 ათასამდე უკრაინელი იმყოფება, 391 ათასი ჩეხეთში და 150-150 ათასი თურქეთსა და იტალიაში. ლტოლვილები ასევე იმყოფებიან მოლდოვაში, რუმინეთსა და სლოვაკეთში.
ამავე ორგანიზაციის ინფორმაციით, რუსეთში 1,6 მილიონი უკრაინელი ლტოლვილი იმყოფება. რუსული მედიის ცნობით, უკრაინელი ლტოლვილების რიცხვი 2 მლნ-ს აღწევს. ზუსტი რიცხვი უცნობია. ოფიციალური კიევის წარმომადგენლები აცხადებენ, რომ რუსეთში უკრაინელები ძალით გადაჰყავთ, იქ პასპორტებს ართმევენ და ადამიანები მუდმივი მუქარის ქვეშ იმყოფებიან.
გამოკითხვის შედეგად დადგინდა, რომ ევროპის 6 ქვეყანაში მყოფი ლტოლვილების მესამედი ომის დასრულების შემდეგ უკრაინაში დაბრუნებას გეგმავს. ორი მესამედი კი სამშობლოში მხოლოდ იმ შემთხვევაში დაბრუნდება, თუ იქ საბოლოოდ მშვიდობა დამყარდება.
აგრეთვე წაიკითხეთ:
🔴 „ომი წლების ან თვეების განმავლობაში გაგრძელდება“ - საომარი მოქმედებების დასრულების სამი სცენარი
🔴 რუსეთის ფედერაციამ „მოხალისეთა ბატალიონების“ შექმნის ბრძანება გასცა - ISW
🔴 უკრაინაში რუსული არმიის სამი პოლკოვნიკი მოკლეს
🔴 მშვიდობის უზრუნველსაყოფად რუსეთისთვის ტერიტორიის დათმობას გამოვრიცხავთ - დმიტრო კულება
