ზელენსკიმ რადაში საყოველთაო მობილიზაციის კანონპროექტი შეიტანა
1645706463
უკრაინის პრეზიდენტმა ვოლოდიმირ ზელენსკიმ უმაღლეს რადაში საყოველთაო მობილიზაციის შესახებ კანონპროექტი შეიტანა. ამის შესახებ ukrinform.ua იუწყება.
ზელენსკის შესაბამისი განცხადება ტელეგრამ-არხზე გავრცელდა. „უმაღლეს რადაში შეტანილია უკრაინის პრეზიდენტის კანონპროექტი საყოველთაო მობილიზაციის შესახებ“ - წერია ამ ინფორმაციაში.
როგორც პრეზიდენტის ოფისის ხელმძღვანელის მრჩეველმა მიხეილ პოდოლიაკმა განაცხადა, ქვეყნის თავდაცვა საზოგადოების მშვიდ ფუნქციონირებაზეა დამოკიდებული. მისი თქმით, რუსეთს სურს საზოგადოების მართვის ყველა სისტემის განადგურება და სახელმწიფო სისტემის დესტაბილიზაცია.
„შეიარაღებული ძალები შეტევებს კარგად იგერიებენ, რუსი სამხედროები ტყვედ არიან აყვანილები. განადგურებულია მოწინააღმდეგის ავიაცია და ჯავშანტექნიკა. მიღებულია გადაწყვეტილება საყოველთაო მობილიზაციის შესახებ. ყველა უნდა შეუერთდეს ქვეყნის დაცვას, ვისაც ამის შესაძლებლობა აქვს. მას უნდა შეუერთდნენ უკრაინის შეიარაღებული ძალების და ძალავანი უწყებების ვეტერანები“ - განაცხადა პოდოლიაკმა.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით. პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.
ამავე თემაზე:
📢 უკრაინელებმა კიდევ 3 რუსული ვერტმფრენი გაანადგურეს
📢 უკრაინელებმა რუსი სამხედროები ტყვედ აიყვანეს
📢 კიევთან ახლოს სამხედრო ობიექტი ფრთოსანი რაკეტებით დაიბომბა - გერაშენკო
📢 „ნაძირლებო! ჩვენი ძალები ამ ოპერაციაში არანაირ მონაწილეობას არ იღებენ“ - ლუკაშენკო
📢 ოკუპანტების კიდევ 4 ტანკი დაიწვა და მე-6 თვითმფრინავი განადგურდა - უახლესი ინფორმაცია
📢 უკრაინელები კონტრშეტევაზე გადადიან - მოკლულია 50-მდე რუსი სამხედრო
📢 როგორ დაესხა თავს რუსეთი უკრაინას - უკრაინის შეიარაღებული ძალების გენერალური შტაბის განცხადება
📢 ლუგანსკის რაიონში რუსებმა ორი სოფელი აიღეს და ააფეთქეს სატელევიზიო ანძა ლუცკში - უკრაინული მედია
