„არ ვიცით როგორ შევძლებთ გადარჩენას“ - ავღანელი ქალები არასამთავრობო ორგანიზაციაში მუშაობის აკრძალვაზე

ავღანეთში ფსიქიკური ჯანმრთელობის ცენტრში მუშაობისას 42 წლის ალიას ცხოვრება იოლი არ იყო, მით უმეტეს „თალიბანის“ მმართველობის პერიოდში. 

მას შემდეგ რაც, ამერიკულმა ჯარებმა ავღანეთის ტერიტორია დატოვეს, „თალიბანი“ ხელისუფლებაში მოვიდა და ქალებს უფლებები მაქსიმალურად შეეზღუდა. ქალებს აეკრძალათ განათლების მიღება, გარეთ გასვლა, პარკში, სკვერებსა და სპორტულ დარბაზებში შესვლა. 

ბოლოს კი, კიდევ ერთი გადაწყვეტილება მიიღეს, რითაც ავღანელ ქალებს არასამთავრობო ორგანიზაციებში მუშაობა აუკრძალეს. 

„თალიბანის მოსვლის შემდეგ ჩვენში შიში გაჩნდა, განსაკუთრებით იმ ქალებს გაუჩნდა შიში, რომლებიც დასაქმებული იყვნენ. ამის მიუხედავად ჩვენ მოვახერხეთ, მუშაობა მათი წესების დაცვით, როგორიცაა ჰიჯაბის ტარება მათ მიერ დადგენილი წესების შესაბამისად. სამსახურში კი, მაჰრამთან [ოჯახის მამრობითი სქესის წევრთან] მივდიოდით“,  - ამბობს ალია. 

ალიას თქმით, ეს ძალიან რთული იყო, თუმცა შესაძლებლობის ფარგლებში დახმარება ეწეოდა ქვეყნის რეგიონებში მცხოვრებ ადამიანებს. 

„ჩვენს ექიმების გუნდს მუშაობის უფლებაც კი მისცეს. ჩვენ ვაძლევდით მნიშვნელოვან მომსახურებას ქალებსა და ბავშვებს და მე ასევე ვმუშაობდი პაციენტებთან, რომლებსაც სჭირდებოდათ ფსიქიკური ჯანმრთელობის მხარდაჭერა. მაგრამ ეს ყველაფერი გასულ კვირას შეჩერდა, როცა „თალიბანმა“ მორიგი გადაწყვეტილება მიიღო“, - აცხადებს ალია. 

ალია ამბობს, რომ წარმოდგენა არ აქვთ როგორ შეძლებენ გადარჩენას. 

„არ ვიცი, როგორ შევძლებთ გადარჩენას. 2008 წლიდან ვმუშაობ და ჩემი ექვსსულიანი ოჯახის მარჩენალი ვარ. ჩემს ქმარს არასტაბილური შემოსავალი აქვს, რომელიც ქირას ძლივს ფარავს. ვიბრძვი ჩემი შვილებისთვის უკეთესი მომავლის უზრუნველსაყოფად, მაგრამ თუ ჩემნაირ დედებს ახლა არ მისცეს მუშაობის შესაძლებლობა, იძულებულნი ვიქნებით, მომავალში საზოგადოებისთვის წერა-კითხვის უცოდინარი ბავშვები გავზარდოთ“, - აცხადებს ქალი. 

რამდენიმე საერთაშორისო არასამთავრობო ორგანიზაციის მიერ მიღებული გადაწყვეტილება 👇 

თალიბანის მიერ ქალების მუშაობის აკრძალვის საპასუხოდ, ავღანეთში მოქმედმა რამდენიმე საერთაშორისო არასამთავრობო ორგანიზაციამ, მათ შორის ალიას დამსაქმებელმა - IRC ქვეყანაში მუშაობა შეაჩერა და ავღანეთი დატოვა. 

IRC ავღანეთში 1988 წლიდან ფუნქციონირებდა. ორგანიზაციაში „თალიბანის“ მიერ მიღებულ გადაწყვეტილებამდე 3000 ქალი იყო დასაქმებული. 

ორგანიზაციების წარმომადგენლები ამბობენ, რომ გადაწყვეტილებას „ავღანელი ხალხისთვის კატასტროფული შედეგები მოჰყვება“.

Nasrat Khalid, Aseel-ის დამფუძნებელი, ავღანური ელექტრონული კომერციის ბიზნესპლატფორმაა, რომელიც დახმარებისა და განვითარების სექტორში მუშაობს. 

„ასელს“ არ აინტერესებს ავღანეთში არსებული სიტუაციის პოლიტიკური ასპექტები; ჩვენ ვართ წმინდა ჰუმანიტარული ორგანიზაცია, რომელიც ეყრდნობა ადამიანებს, მათ შორის ქალებს, რათა უპასუხონ ჰუმანიტარულ კრიზისს“, - განუცხადა ხალიდმა ალ ჯაზირას.

„როდესაც პირველად გავიგე აკრძალვის შესახებ, უმწეობის განცდა გამიჩნდა, ძალიან რთული მოსასმენი იყო”, - თქვა 24 წლის მადინა მატინმა, რომელიც ქაბულში Aseel-ის კომუნიკაციის მენეჯერად მუშაობს. 

ის ამბობს, რომ ახლა მხოლოდ ლოცვა შეუძლია. 

„შემიძლია მხოლოდ ვილოცო, რომ შემდეგ ჯერზე, როცა ჩემს ტელეფონს შევამოწმებ, ჩვენი პრობლემები მოგვარებული იქნება“, - აცხადებს ახალგაზრდა ქალი. 

„თალიბანმა“ მიღებული გადაწყვეტილება იმ მიზეზით „გაამართლა“, რომ არასამთავრობო ორგანიზაციის ქალმა თანამშრომლებმა ჰიჯაბის არტარებით ჩაცმის წესები დაარღვიეს.

გაერომ „თალიბანის“ გადაწყვეტილება დაგმო და განაცხადა, რომ ის ადამიანის ფუნდამენტურ უფლებებს არღვევს.

მასალა მომზადებულია Aljazeera-ზე დაყრდნობით. 

ასევე დაგაინტერესებთ: 

👉 პოსტსაბჭოთა სივრცეში რუსეთის გავლენის ნარჩენების გამყარებას ცდილობდა - ვადიმ დენისენკო პუტინის მიერ დსთ-ს სამიტის მოწვევაზე

👉 რომში მცხოვრებმა ქალმა ქმრის მიერ დამალული 20 000 ევროს ღირებულების ფასიანი ქაღალდები დაწვა

👉 წყალდიდობას ფილიპინებში სულ მცირე 25 ადამიანი ემსხვერპლა, 26 დაკარგულად მიიჩნევა

👉 გაერო - უკრაინაში ომის დაწყების შემდეგ 6884 მშვიდობიანი მოქალაქე დაიღუპა

👉 „სპეციალური სამხედრო ოპერაციის“ ფარგლებში მობილიზებულ ოკუპანტებს სპერმის უფასოდ გაყინვის შესაძლებლობა ექნებათ

👉 უკრაინაში ომის დინამიკის პროგნოზირება რთულია - ედგარს რინკევიჩი