ბორის ჯონსონი გადადგა
1657193639
ბრიტანეთის პრემიერ-მინისტრი ბორის ჯონსონი თანამდებობიდან გადადგა.
ჯონსონმა განცხადება დაუნინგ-სტრიტზე გამართულ ბრიფინგზე გააკეთა.
„კონსერვატიული პარტიის ახალი ლიდერის არჩევის პროცესი ახლავე უნდა დაიწყოს, მე ვრჩები თანამდებობაზე სანამ მას აირჩევენ. მე მადლობას ვუხდი ხალხს მხარდაჭერისთვის. ჩვენ უნდა გავაგრძელოთ განვითარება, გავაგრძელოთ გაერთიანებული სამეფოს ყველა პოტენციალის გამოვლენა. თუ ამას შევძლებთ, ევროპაში ყველაზე აყვავებულები ვიქნებით.
ძალიან სამწუხაროა მსოფლიოში საუკეთესო სამსახურის დატოვება, თუმცა პოლიტიკაში არავინ არის შეუცვლელი. ახალ ლიდერს მხარს მაქსიმალურად დავუჭერ“, - განაცხადა ჯონსონმა.
ცნობისთვის, ბრიტანეთში დიდი პოლიტიკური კრიზისია, რომელიც 5 ივლისს კიდევ უფრო გამწვავდა, მას შემდეგ, რაც ქვეყნის ჯანდაცვის მდივანმა და კანცლერმა თანამდებობები დატოვეს.
მინისტრების გადადგომა იმის ფონზე მოხდა, რომ კონსერვატიული პარტიის მნიშვნელოვანმა ფუნქციონერმა კრის პინჩერმა პარტიული თანამდებობა დატოვა. პინჩერი ერთ-ერთ კლუბში გამართულ წვეულებაზე ალკოჰოლის ზემოქმედების ქვეშ კაცებზე სექსუალურ შევიწროებაში დაადანაშაულეს.
ბოლო დროს კონსერვატიულ პარტიაში სხვა პრობლემებიც შეიქმნა. აპრილში პირველად დიდი ბრიტანეთის ისტორიაში პრემიერ-მინისტრი პოლიციამ დააჯარიმა, რადგანაც ის კოვიდშეზღუდვების დარღვევაში დაადანაშაულეს.
ბორის ჯონსონი ბრიტანეთის პრემიერ-მინისტრის თანამდებობას 2019 წლიდან იკავებდა.
ამავე თემაზე:
🔴 „ჯონსონი მიდის? ჩვენ ის არ გვიყვარს“ - პესკოვი
🔴 შეთქმულება ბორის ჯონსონის წინააღმდეგ? - რატომ განუდგნენ კონსერვატორები ბრიტანეთის პრემიერს
🔴 დიდ ბრიტანეთში ორმა მინისტრმა თანამდებობა დატოვა, ჯონსონმა მათი შემცვლელები უკვე მოძებნა
