FBI-ის ყოფილ მაღალჩინოსანს სანქცირებულ რუს ოლიგარქ ოლეგ დერიპასკასთან მუშაობის გამო ბრალი წაუყენეს
1674553523
გამოძიების ფედერალური ბიუროს (FBI) ყოფილ მაღალჩინოსანს აშშ-ს სანქციების დარღვევაში სანქცირებული რუსი მილიარდერის დახმარების გამო ბრალი წაუყენეს. ამის შესახებ aljazeera აშშ-ს იუსტიციის დეპარტამენტზე დაყრდნობით იტყობინება.
საბრალდებო დასკვნაში, პროკურორები ამტკიცებენ, რომ FBI-ის ყოფილი აგენტი ჩარლზ მაკგონიგალი რუს სანქცირებულ ოლიგარქს ოლეგ დერიპასკას ეხმარებოდა.
2018 წელს პენსიაზე გასვლამდე მაკგონიგალი სპეციალური აგენტი იყო და პასუხისმგებელი იყო FBI-ს კონტრდაზვერვის სამმართველოზე ნიუ-იორკში.
შეერთებული შტატების იუსტიციის დეპარტამენტის მაღალჩინოსნების განცხადებით, ის ხელმძღვანელობდა რუსი ოლიგარქების საქმის გამოძიებას.
„რუსი ოლიგარქები, როგორიცაა ოლეგ დერიპასკა, ახორციელებენ გლობალურ მავნე გავლენას კრემლის სახელით და დაკავშირებული არიან მექრთამეობასთან, გამოძალვასთან და ძალადობასთან“, - აღნიშნა FBI-ის დირექტორის თანაშემწემ მაიკლ დრისკოლმა.
დრისკოლის თქმით, შეერთებული შტატებისა და მისი მოკავშირეებისკენ მიმართული საფრთხის მხარდაჭერა დანაშაულია.
აღსანიშნავია, რომ რუსი ოლიგარქი 2018 წელს დასანქცირდა.
ასევე დაგაინტერესებთ:
➖ ფინეთი შვედეთისგან დამოუკიდებლად ნატოში გაწევრიანებას არ გამორიცხავს
➖ გერასიმოვის განცხადებით, ნატოს გაფართოება რუსეთისთვის საფრთხეს წარმოადგენს
➖ სოფო ლილუაშვილი - ელჩად დავდივარ, რომ დავამტკიცო სიმართლე, რომლისთვისაც ყველა გაერთიანებულები ვართ
