ირანის საგარეო საქმეთა სამინისტრო აცხადებს, რომ იგი უკრაინის ტერიტორიულ მთლიანობას მხარს უჭერს
1664899206
ირანის საგარეო საქმეთა სამინისტრო რუსეთის მიერ უკრაინის ტერიტორიაზე ჩატარებულ „რეფერენდუმებს“ არ ცნობს და უკრაინის ტერიტორიულ მთლიანობას აღიარებს.
ირანის საგარეო საქმეთა სამინისტროს სპიკერმა ნასერ ქანაანმა „რეფერენდუმებზე“ დასმულ კითხვაზე უპასუხა, რომ ირანი ქვეყნების ტერიტორიული მთლიანობის პრინციპს მხარს უჭერს.
„ირანი მხარს უჭერს ნებისმიერ ძალისხმევას, რომელიც მიმართულია უკრაინის კონფლიქტის მშვიდობიანი მოგვარებისკენ და ყოველთვის აცხადებდა მზადყოფნას მხარეებს ამის მიღწევაში დაეხმაროს.
ირანის ისლამური რესპუბლიკა ეყრდნობა თავის ძირითად პრინციპებს, ხაზს უსვამს ქვეყნების ტერიტორიული მთლიანობის, როგორც საერთაშორისო სამართლის ძირითადი ნორმის სრულ დაცვას და გაეროს წესდების პრინციპებისა და მიზნების პატივისცემას“, - განაცხადა ქანაანმა.
აგრეთვე წაიკითხეთ:
✔️ რუსეთი მოლდოვას გაზის მიწოდების შეწყვეტით ემუქრება
✔️ კადიროვმა და პრიგოჟინმა საჯაროდ შეარყიეს პუტინის ავტორიტეტი - ISW
