19 ნოემბერს თბილისში 3 სხვადასხვა ლოკაციაზე აქცია გაიმართება
1637137067
„19 ნოემბერს ოპოზიცია საპროტესტო აქციას სამ ლოკაციაზე გამართავს“ - ამის შესახებ „ნაციონალური მოძრაობის“ თავმჯდომარემ ნიკა მელიამ ბრიფინგზე განაცხადა.
„მივიღეთ გადაწყვეტილება ერთობლივად - „ლელომ“, „ნაციონალურმა მოძრაობამ“, „გირჩი მეტი თავისუფლებამ“ და „დროამ“, პარასკევს 3 საათზე სამი განსხვავებული ლოკაციიდან მსვლელობა გაიმართოს.
გელოდებით შემდეგ ადგილებზე:
- მეტრო ავლაბართან, სადაც შეიკრიბება ნაციონალური მოძრობის მხარდამჭერთა ჯგუფი
- მეტრო „ვაგზლის მოედანთან“ მსვლელობას სათავეში ჩაუდგება „ლელოს“ ლიდერები
- მეტროსადგური „უნივერსიტეტი“, მსვლელობას სათავეში ჩაუდგება „გირჩი მეტი თავისუფლებისა“ და „დროას“ლიდერები“, - განაცხადა ნიკა მელიამ.
ინფორმაციისთვის, ყოფილი პრეზიდენტი მიხეილ სააკაშვილი თბილისში პირველ ოქტომბერს დააკავეს.
სააკაშვილი აცხადებს, რომ ის პოლიტპატიმარია და პროტესტის ნიშნად დაკავების დღიდან ამ დრომდე შიმშილობს.
აგრეთვე დაგაინტერესებთ:
🔴 „ყოფილი პრეზიდენტის სიკვდილს არ დავუშვებთ“ - დიმიტრი ხუნდაძე
