ესენი უპირობოდ უნდა მოშორდნენ აქედან, მზად არიან პირდაპირ სიმონიანს მიართვან ქვეყანა - ჩარკვიანი „ოცნებაზე“
1678907626
პარტია „კანონის და სამართლის“ ლიდერი თაკო ჩარკვიანი „ტვ პირველის“ ეთერში სტუმრობისას აცხადებს, რომ საქართველოს ხელისუფლება მზად არის სიმონიანს მიართვას ქვეყანა.
მისი თქმით, ახალა ერთობის დროა და არა დაპირისპირების.
„როდესაც ვუღრმავდები რა ტიპის აღვირახსნილი ხელისუფლებაა, ძალიან რადიკალი ვხდები მოთხოვნებში. ესენი წამსვლელები არიან, პირდაპირ სიმონიანს მიართვან ქვეყანა. ჩემი მოთხოვნაა, ესენი უპირობოდ უნდა მოშორდნენ აქედან. ევროკავშირის 12 პუნქტი უნდა შესრულდეს, ამ 12 პუნქტში დევს ყველაფერი. თუკი ყველაფერი სწორად წავა და კვლავ არ აიქოჩრება ამბიციები, ამ შემთხვევაში სწორად წავა ყველაფერი. ახლა არის ერთობის დრო“, - აღნიშნავს თაკო ჩარკვიანი.
ოპოზიციონერი დეპუტატი „ალტ-ინფო“-სთან დაკავშირებით აცხადებს, რომ მათ ზურგს ხელისუფლება უმაგრებს და დასძენს, რომ რადიკალური მოძრაობა ხელისუფლების სისუსტის დროს ჩნდება.
„როგორც კი სუსტდება ხელისუფლება, იმ წუთში გამოჰყავთ პროპაგანდისტები. „ალტ-ინფო“ ხელისუფლებას ზურგს უმაგრებს. „ალტ-ინფოს“ ერთი მუჭა სირცხვილი დავარქვი, ისინი ბევრი არ არიან, უბრალოდ ამაგრებს ხელისუფლება უკან დგომით. მათგან ვერანაირ საფრთხეს ვერ ვხედავ, იმდენად გარდაუვალია საქართველოს განვითარება დასავლურ გზაზე. „ოცნებას“ დარჩა მოკავშირე მარგარიტა სიმონიანი, რომელსაც არ უშვებენ სომხეთში“, - დასძენს ოპოზიციონერი დეპუტატი.
ასევე დაგაინტერესებთ:
👉 „ალტ-ინფო“ ჩვეულებრივი მხედრიონია“ - შალვა ნათელაშვილი
👉 როდესაც უნდათ მოგვცემენ იმ კანდიდატის სტატუსს, როდესაც უნდათ არ მოგვცემენ - მეუფე სტეფანე
👉 ხაბეიშვილის მიერ დაანონსებულ აქციაზე - არ ვიქნები, აქციები ახლა სწორად არ მიმაჩნია - სამნიძე
