კანონის მიღება არის ხმა ევროკავშირში საქართველოს პერსპექტივის წინააღმდეგ - ევროპარლამენტარი
1678255157
ევროპარლამენტის წევრი, ტეის როიტენი გუშინ საქართველოს პარლამენტის წინ გამართულ აქციას ეხმაურება და წერს, რომ რუსული სტილის უცხოური აგენტის კანონის მიღება არის ხმის მიცემა საქართველოს ევროკავშირის პერსპექტივის წინააღმდეგ.
მისი თქმით, ხელისუფლებამ ქართველი ხალხის ნება უნდა გაითვალისწინოს.
„ევროკავშირის დროშის მამაცურად ფრიალი. საქართველოს ხელისუფლებამ ეს მინიშნებად უნდა მიიღოს.
დღეს რუსული სტილის უცხოური აგენტების შესახებ კანონის მიღება არის ხმა საქართველოს ევროკავშირში პერსპექტივის წინააღმდეგ, დემოკრატიის წინააღმდეგ და ქვეყნის საკუთარი მოსახლეობის წინააღმდეგ. საქართველო ევროპაა“, - წერს ევროპარლამენტარი.
Bravely waving the 🇪🇺 flag. Georgia’s leadership should take a cue.
— Thijs Reuten 🇪🇺🌹 (@thijsreuten) March 7, 2023
Today’s adoption of the Russian-style foreign agent law is a vote against Georgia’s EU perspective, against democracy, and against the country’s own citizens. Georgia 🇬🇪 is Europe 🇪🇺.#NoToRussianLaw pic.twitter.com/3IGX6rseVY
შეგახსენებთ, პარლამენტთან მიმდინარე საპროტესტო აქციის მონაწილეებმა ახლად არჩეულ სახალხო დამცველს, ლევან იოსელიანს კვერცხები ესროლეს.
ცნობისთვის, ე.წ. უცხო ქვეყნის გავლენის აგენტების შესახებ კანონპროექტს საქართველოს პარლამენტმა კენჭისყრაზე პირველი მოსმენით მიიღო, რასაც პარლამენტთან შეკრებილი საზოგადოების პროტესტი მოყვა.
აგრეთვე წაიკითხეთ:
👉 ივანიშვილმა ნახევარ დღეში გაგანადგურა, შენს ადგილას გადავდგებოდი - წითლიძე ლევან იოსელიანს
