საფრთხეები სხვადასხვა ორგანოთა სისტემის მხრივ ძალიან ბევრია - სანდრო ცისკარიძე სააკაშვილზე
1637413416
გორის სამხედრო ჰოსპიტალში სახელმწიფო კონსილიუმის წევრი ექიმები შევიდნენ.
მათ ადგილობრივ მედიკოსებთან ერთად, მიხეილ სააკაშვილის მკურნალობის პროტოკოლი უნდა შეიმუშაონ, რომლის მიხედვითაც ექსპრეზიდენტის რეაბილიტაციის პროცესი უნდა წარიმართოს.
„ჩვენ გახლავართ კონსილიუმი, რომელიც პრაქტიკულად მესამე პრეზიდენტის შიმშილობის დაწყებიდან მასთან ძალიან აქტიურად მუშაობდა.
შიმშილობის შემდგომი პერიოდი ძალიან რთულია და მას სერიოზული მეთვალყურეობდა და დაკვირვება სჭირდება.
რეფიდინგის პროცესი ძალიან საპასუხისმგებლოა და აქტიურ ყურადღებას გულისხმობს. საფრთხეები სხვადასხვა ორგანოთა სისტემის მხრივ ძალიან ბევრია, მათ შორის სერიოზული გართულებები. ამიტომ, მნიშვნელოვანია ძალიან ბევრი სპეციალისტის აზრის შეჯერება“, - აცხადებს კონსილიუმის წევრი სანდრო ცისკარიძე.
ინფორმაციისთვის, ყოფილი პრეზიდენტი მიხეილ სააკაშვილი თბილისში პირველ ოქტომბერს დააკავეს.
ექსპრეზიდენტი რუსთავის პენიტენციური დაწესებულებიდან გლდანის ციხეში 8 ნოემბერს გადაიყვანეს.
აგრეთვე წაიკითხეთ:
„პრეზიდენტი ცდილობს დამოუკიდებლობა ითამაშოს“ - გია ხუხაშვილი
