„მზად ვარ სანაძლეო დავდო სააკაშვილის ჩამოსვლასთან დაკავშირებით“ - იაგო ხვიჩია
1632814693
პარტია „გირჩის“ თავმჯდომარემ იაგო ხვიჩიამ მიხეილ სააკაშვილის საქართველოში ჩამოსვლასთან დაკავშირებით აღნიშნა, რომ ყოფილი პრეზიდენტი ამ სარისკო საქმეს არ ჩაიდენს.
როგორც იაგო ხვიჩია აცხადებს, მზადაა ამასთან დაკავშირებით „ნაციონალური მოძრაობის“ წევრებს დაუნაძლევდეს.
„მე ვრჩები ჩემს აზრზე, რომ ბილეთის აღება ჩამოსვლას არ ნიშნავს და ჩემი საჯარო შეთავაზება ძალაშია, რომ დავუნაძლევდე „ნაციონალურ მოძრაობის“ რომელიმე წევრს მიშას ჩამოსვლასთან დაკავშირებით. ალბათ ახლა ბილეთის ნახვის შემდეგ ზოგმა დაიჯერა და დამენაძლევებიან.
გადაწყვეტილების მიღება იმის შესახებ, რომ ასეთი სარისკო საქმე ჩაიდინო, რთულია, მგონია, რომ მიხეილ სააკაშვილი სხვანაირი ადამიანია და მას ტყუილად სთხოვენ ჩამოსვლას, არ ვიცი შეიძლება ვცდები“, - განაცხადა იაგო ხვიჩიამ.
ინფორმაციისთვის, ყოფილი პრეზიდენტის მიხეილ სააკაშვილის განცხადებით, საქართველოში დაბრუნებას 2 ოქტომბერს, ადგილობრივი თვითმმართველობის არჩევნების საღამოს აპირებს.
მისი თქმით, თვითმფრინავის ბილეთი უკვე ნაყიდი აქვს, რადგან აღნიშნულ არჩევნებზე „საქართველოს ბედი წყდება“.
იხილეთ აგრეთვე:
✅„ავიღე ბილეთი“ - სააკაშვილი საქართველოში დაბრუნების თარიღს ასახელებს (ვიდეო)
✅„ვიღაც გიჟი ლაპარაკობს სისულელეებს“ - ვახო მეგრელიშვილი სააკაშვილის შესახებ
