აშშ-ის დაზვერვა რუსეთის ბირთვულ პოტენციალთან დაკავშირებული აქტივობის რაიმე ნიშნებს ვერ ხედავს
1664953683
„ევროპასა და ამერიკის შეერთებულ შტატებში ოფიციალური პირები აცხადებენ, რომ ჯერ ვერ ხედავენ რუსეთის ბირთვულ პოტენციალთან დაკავშირებული აქტივობის რაიმე ნიშნებს“, - ამის შესახებ უკრაინული საინფორმაციო სააგენტო „უნიანი“ იტყობინება.
„პუტინის მოქმედება დღეს ბლეფია, მაგრამ რა მოხდება ერთ კვირაში ან 1 თვეში, ძნელი სათქმელია. ასევე, ძნელი სათქმელია თუ როდის მიხვდება პუტინი, რომ ომი წაგებული აქვს“, - განუცხადა Reuters-ს სამხედრო ანალიტიკოსმა იური ფიოდოროვმა.
კითხვაზე, მიდის თუ არა პუტინი ბირთვული თავდასხმისკენ, CIA-ს დირექტორმა უილიამ ბერნსმა CBS-ს განუცხადა, რომ „ამ ტიპის საფრთხეები სერიოზულად არის მისაღები“.
„ჩვენ ძალიან სერიოზულად უნდა მივიღოთ ამ ტიპის საფრთხეები, აბსოლუტურად ყველაფრის გათვალისწინებით“, - აცხადებს ბერნსი.
მანვე დასძინა, რომ აშშ-ის დაზვერვას არ აქვს პრაქტიკული მტკიცებულება, რომ პუტინი მიიწევს ტაქტიკური ბირთვული იარაღის გარდაუვალი გამოყენებისკენ.
აგრეთვე წაიკითხეთ:
✔️ რუსეთის ბირთვული პოტენციალი შეიძლება ისეთივე მითი იყოს, როგორც მათი არმია - სამხედრო ექსპერტი
✔️ ომი მომავალი წლის შემოდგომამდე გაგრძელდება - ვიქტორ კევლიუკი
✔️ პუტინი, კუთხეში მიმწყვდევის შემთხვევაში, შესაძლოა, საკმაოდ საშიში გახდეს - CIA-ს დირექტორი
