მელიტოპოლში „კადიროველებმა“ რუსი პროპაგანდისტი გააუპატიურეს
1675077707
დროებით ოკუპირებულ მელიტოპოლში „კადიროველებმა“ NTV-ის რუსი პროპაგანდისტი გააუპატიურეს და ოპერატორი სცემეს.
ტელეგრამის არხის Look for Your Own-ის ცნობით, რუსეთის ფედერაციაში ამ თემაზე ახალი ამბების გაშუქება აკრძალული იყო, თუმცა, არხმა უკვე მიმართა რუსეთის საგამოძიებო კომიტეტს.
როგორც აღნიშნულია NTV-ის განცხადებაში რუსეთის საგამოძიებო კომიტეტისთვის, პროპაგანდისტი ოლგა ზენკოვა და ოპერატორი არტემ ეპიფანოვი ქალაქში სარედაქციო დავალებით იმყოფებოდნენ. 17 იანვარს ისინი ვორონცოვსკის რესტორანში სადილობდნენ, როდესაც თავს დაესხნენ დამპყრობლები, რომლებმაც თავი „ახმატის ბატალიონის მებრძოლებად“ წარმოადგინეს.
ინციდენტის შედეგად ოპერატორმა ეპიფანოვმა საშუალო სიმძიმის დაზიანებები მიიღო, პროპაგანდისტი კი გააუპატიურეს. როგორც არხმა აღინიშნა, ოკუპანტების მიერ კონტროლირებადმა „სამართალდამცავმა ორგანოებმა“ უარი თქვეს ამ საქმის გამოძიებაზე.
NTV-ის ვებგვერდი აღნიშნავს, რომ ოლგა ზენკოვა ნამდვილად მუშაობს მათთან. ზენკოვა უკრაინის ეროვნული უსაფრთხოებისა და თავდაცვის საბჭოს სანქციების ქვეშაა ანტიუკრაინული პროპაგანდის გამო.
ასევე დაგაინტერესებთ:
👉 ბაჩო დოლიძემ, აკაკი მინაშვილმა და გიორგი პატარაიამ „ნაცმოძრაობაში“ თანამდებობები დატოვეს
👉 რუსეთმა, შესაძლოა, მობილიზაციის მორიგი ტალღა განახორციელოს - ბრიტანული დაზვერვა
