პასუხი რუსეთს: ესტონეთმა რუსეთის ელჩი გააძევა
1674539047
რუსეთის გადაწყვეტილების საპასუხოდ დიპლომატიური მისიის შემცირებაზე, ესტონეთმა რუსეთის ელჩს ქვეყნის დატოვება 7 თებერვლამდე უბრძანა. ამის შესახებ ესტონეთის საგარეო საქმეთა მინისტრმა, ურმას რეინსალუმ განაცხადა.
„ესტონეთმა გაითვალისწინა რუსეთის დღევანდელი გადაწყვეტილება დიპლომატიური წარმომადგენლობის დროებითი რწმუნებულის დონემდე შემცირების შესახებ. ესტონეთი რუსეთთან ურთიერთობაში დგას პარიტეტის პრინციპიდან, საიდანაც ჩვენ არ გადავუხვევთ. ეს ნიშნავს, რომ რუსეთის ელჩი ტალინში 7 თებერვალს ესტონეთის ელჩთან ერთად გაემგზავრება“, - აღნიშნა მან.
მანამდე, რუსეთმა ესტონეთის ელჩს, მარგუს ლაიდრეს უთხრა, რომ 7 თებერვლამდე დაეტოვებინა ქვეყანა.
ასევე დაგაინტერესებთ:
👉 ომის დროს ესპანეთში დასვენების გამო უკრაინის გენპროკურორის მოადგილე თანამდებობიდან გადადგა
👉 „ტანკებთან დაკავშირებით, დარჩენილია უკანასკნელი ნახევარი ნაბიჯი“ - დმიტრო კულება
👉 პენტაგონი: ბრედლის პირველი ქვეითი საბრძოლო მანქანები უკრაინაში უახლოეს კვირებში ჩავა
