რუსეთი ლუგანსკის ოლქში თავდაცვისთვის ემზადება - სერგეი გაიდაი
1669626149
რუსეთის ფედერაცია ლუგანსკის ოლქში ძლიერი თავდაცვისთვის ემზადება, - ამის შესახებ ლუგანსკის რეგიონალური სამხედრო-სამოქალაქო ადმინისტრაციის ხელმძღვანელმა სერგეი გაიდაიმ განაცხადა.
„ბელოგოროვკას მიმართულებით, ჩვენი დამცველები ერთ კვირაზე მეტია რუსეთის საოკუპაციო ძალების შეტევას იგერიებენ. რაც შეეხება სვატოვო-კრემენაიას, აქ რუსები თავდაცვაზე არიან გადასული, ჩვენები წინ მიიწევენ, მაგრამ თანდათან.
ლუგანსკის რეგიონის ყოველი მეტრი ძალიან მძიმეა, ჯერჯერობით ამინდი არ არის ხელსაყრელი ჩვენთვის, მიწა ძალიან ბლანტია და ტექნიკა ვერ გადის, ველოდებით ყინვებს“, - აცხადებს ლუგანსკის რეგიონალური სამხედრო-სამოქალაქო ადმინისტრაციის ხელმძღვანელი.
მისი თქმით, რუსებს ლუგანსკის ოლქში უამრავი პერსონალი გადაჰყავთ.
„ისინი თხრიან თხრილებს, ემზადებიან ძალზე ძლიერად თავდაცვისთვის“, - აღნიშნავს გაიდაი.
ლუგანსკის რეგიონალური სამხედრო-სამოქალაქო ადმინისტრაციის ხელმძღვანელის თქმით, უკრაინელი სამხედროების მოქმედება რუსების გეგმებს არღვევს, რის გამოც რუსული ძალები რაიმე სახის სრულმასშტაბიან შეტევას ვერ ახერხებენ.
აგრეთვე წაიკითხეთ:
👉 ხერსონი დაუცველია და მძიმე დაბომბვას ექვემდებარება - ბრიტანული დაზვერვა
👉 „გულთან ახლოს არ მიგვაქვს ის, რაც ევროპარლამენტში ხდება“ - პესკოვი ევროპარლამენტის რეზოლუციაზე
👉 რუსეთი დნიპროზე უკრაინის კონტრშეტევის პერსპექტივას სერიოზულ საფრთხედ მიიჩნევს - ISW
👉 „21-ე საუკუნის ფაშიზმი“ - პოდოლიაკი უკრაინის ენერგოსისტემის დაბომბვაზე
