უკრაინელებმა სამხრეთით ერთ დღეში 50-ზე მეტი რუსი ოკუპანტი გაანადგურეს
1652073149
სამხრეთით უკრაინის შეიარაღებულმა ძალებმა ერთ დღეში გაანადგურეს 50-ზე მეტი რუსი დამპყრობელი და ერთი ვერტმფრენი, - ამის შესახებ ოპერატიული სარდლობა „სამხრეთი“ იუწყება.
„დღის განმავლობაში ხერსონისა და მიკოლაევის მიმართულებით კონტაქტის ხაზზე პოზიციებზე მნიშვნელოვანი ცვლილებები არ მომხდარა, თუმცა ჩვენმა ნაწილებმა დააფიქსირეს და ჩაშალეს მტრის მცდელობა დროულად გაეყვანა სადაზვერვო ჯგუფი. ბრძოლის შედეგად მტრის მხარეს არიან დაღუპულები, დაჭრილები და ტყვედ ჩავარდნილები“, - ნათქვამია ინფორმაციაში.
სარდლობის ცნობით, მოწინააღმდეგე მთელი დღის განმავლობაში განაგრძობდა სამხრეთ რეგიონებზე სარაკეტო დარტყმებს. საჰაერო თავდაცვის ძალებმა ოკუპანტების 6 რაკეტა გაანადგურეს.
„თავდასხმის შედეგად რეგიონში დაზიანდა ელექტრო ქვესადგური და გაზსადენი, განადგურდა რამდენიმე კერძო სახლი და დაზიანდა რეკრეაციული ზონები. სამწუხაროდ, არის მსხვერპლი“, - ნათქვამია ანგარიშში.
გარდა ამისა, უკრაინულმა სარაკეტო და საარტილერიო დანაყოფებმა და ავიაციამ მტრის პოზიციებს დაარტყეს.
„მტრის დანაკარგებმა ერთ დღეში შეადგინა: 51 რაშისტი, 2 მრავალჯერადი სარაკეტო სისტემა, ტანკი, საზენიტო სარაკეტო სისტემა, 2 უპილოტო საფრენი აპარატი და შვეულმფრენი“, - ნათქვამია ინფორმაციაში.
აგრეთვე წაიკითხეთ:
✔️დამპყრობლები ორი მიმართულებით შეტევისთვის ემზადებიან - უკრაინის გენშტაბი
✔️„უკრაინაში ახლა კიდევ ოთხი ბუჩაა“ - ალექსეი არესტოვიჩი
✔️რატომ ვერ ბედავს პუტინი ბირთვული იარაღის გამოყენებას? - რუსი მეცნიერის განმარტება
