„ჩვენ არ ვადასტურებთ რუსული ჯარების საზღვრებიდან გაყვანას“ - უკრაინის თავდაცვის მინისტრი
1645181937
უკრაინის თავდაცვის სამინისტრო არ ადასტურებს ინფორმაციას უკრაინის საზღვრებიდან რუსული ჯარების გაყვანის შესახებ.
„უკრაინის საზღვრების ირგვლივ არსებულ ვითარებასთან დაკავშირებით, ჩვენ არ ვადასტურებთ რუსული მხარის განცხადებას ჯარების გაყვანის შესახებ - ეს არ ხდება“, - განაცხადა უკრაინის თავდაცვის მინისტრმა ოლექსი რეზნიკოვმა.
მისი თქმით, ამჟამად საზღვრის მახლობლად რუსული ჯარების ქვედანაყოფები დაახლოებით 129 ათას სახმელეთო კომპონენტს შეადგენს.
„მოველით, რომ უახლოეს დღეებში კიდევ რამდენიმე ათასი ადამიანის ევაკუაცია მოხდება. ასევე, ველით, რომ კიდევ სამი გემი მოუახლოვდება შავ ზღვას“, - დასძინა თავდაცვის მინისტრმა.
უკრაინული დაზვერვა ხედავს ყველა იმ მოძრაობას, რომელიც პოტენციურ საფრთხეს უქმნის უკრაინას.
„ყველა თვითმფრინავი, ვერტმფრენი თუ სატანკო დანადგარი - ჩვენ მათ ვხედავთ. ასევე, მუდმივ კონტაქტში ვართ ჩვენს საერთაშორისო პარტნიორებთან და ვიღებთ ინფორმაციის ვითარების შესახებ“, - განაცხადა რეზნიკოვმა.
აგრეთვე წაიკითხეთ:
📎 უკრაინაში შეჭრის წინ რუსეთმა, შესაძლოა, ქიმიური იარაღი გამოიყენოს - Washington Post
📎 პუტინი „გენოციდის“ ტერმინით სპეკულირებს - ექსპერტი
📎 ლუგანსკის რეგიონში ვითარება დაიძაბა - UNIAN
