კორონავირუსის შემთხვევები 18%-ით გაიზარდა, გლობალურად კი 4 მილიონზე მეტი შემთხვევა დადასტურდა - ჯანმო
1656590766
ჯანდაცვის მსოფლიო ორგანიზაციის მონაცემებით, გასულ კვირას ახალი კორონავირუსის შემთხვევების რიცხვი 18%-ით გაიზარდა, ხოლო გლობალურად 4,1 მილიონზე მეტი შემთხვევა დადასტურდა. ამის შესახებ Associated Press-ი წერს.
ამავე ინფორმაციით, დაღუპულთა რიცხვი მსოფლიოში შედარებით მსგავსია წინა კვირის ანალოგიურ პერიოდთან შედარებით
„COVID 19-თან დაკავშირებული სიკვდილიანობა გაიზარდა სამ რეგიონში: ახლო აღმოსავლეთში, სამხრეთ-აღმოსავლეთ აზიასა და ამერიკის შეერთებულ შტატებში.
COVID 19-ის შემთხვევების ყველაზე დიდი ყოველკვირეული ზრდა დაფიქსირდა ახლო აღმოსავლეთში, სადაც შემთხვევები 47%-ით გაიზარდა. ინფექციები გაიზარდა დაახლოებით 32%-ით ევროპასა და სამხრეთ-აღმოსავლეთ აზიაში,“ - აცხადებენ ჯანმოში.
ჯანმოს გენერალურმა დირექტორმა ტედროს ადანომ გებრეიესუსმა თქვა, რომ ინფიცირების ძირითადი ნაწილი გამოწვეულია ომიკრონის BA.4 და BA.5 ვარიანტებით.
„პანდემია იცვლება, მაგრამ ის არ დასრულებულა”, - აცხადებს გებრეიესუსი. მან ქვეყნებს მიმართა და მოუწოდა, რომ ყველაზე მოწყვლად ჯგუფებს ვაქცინაცია გაუკეთონ.
აღსანიშნავია, რომ ღარიბ ქვეყნებში იმუნიზაციის საშუალო მაჩვენებელი დაახლოებით 13%-ია.
აგრეთვე დაგაინტერესებთ:
➖ ჟურნალისტი მაშინ მოკლეს, როცა შვილთან ერთად სახლს ტოვებდა - მკვლელობა მექსიკაში
➖ ისრაელის სამხედროებსა და პალესტინელებს შორის შეტაკება მოხდა
➖ რუსეთში მსუბუქი ავტომობილების წარმოება 97%-ით შემცირდა - კომერსანტი
➖ რუსული „გაზპრომის“ აქციების ფასი მკვეთრად დაეცა
➖ ახალგაზრდა ქალი მაშინ მოკლეს, როცა ბავშვს ეტლით ასეირნებდა - შემთხვევა ნიუ-იორკში
➖ გაუპატიურება, ტრეფიკინგი, ძალადობა - R Kelly-ს 30 წლით პატიმრობა მიესაჯა
