„ომის დაწყების ახალი საბაბი“ - მსოფლიო ლიდერების რეაქცია პუტინის მიერ დონეცკისა და ლუგანსკის აღიარებაზე

რუსეთის პრეზიდენტის ვლადიმირ პუტინის მიერ უკრაინის ორი რეგიონის, ლუგანსკისა და დონეცკის „დამოუკიდებლად“ ცნობას მსოფლიო ლიდერების მხრიდან მკაცრი რეაქცია და სანქციების დაწესების შესახებ განცხადებები მოჰყვა. 

პუტინის გადაწყვეტილებას აღმოსავლეთ უკრაინის ორი რეგიონის - დონეცკისა და ლუგანსკის რეგიონების აღიარების შესახებ ნატოს ხელმძღვანელმა საერთაშორისო შეთანხმებების დარღვევა უწოდა.

21 თებერვალს, გვიან ღამით, პუტინმა „მშვიდობის შენარჩუნების“ მიზნით ლუგანსკსა და დონეცკში რუსული ჯარების მობილიზება მოახდინა.  პუტინის ამ გადაწყვეტილების საპასუხოდ, შეერთებულმა შტატებმა ფინანსური სანქციების დაწესების შესახებ განაცხადა. 

მსოფლიო ლიდერების განცხადებები პუტინის მიერ მიღებულ გადაწყვეტილებაზე: 

აშშ-ის პრეზიდენტმა ჯო ბაიდენმა მტკიცედ დაგმო პუტინის გადაწყვეტილება. 

„ყველა ამ მოწოდებაში პრეზიდენტმა მკაცრად დაგმო პრეზიდენტ პუტინის გადაწყვეტილება ე.წ დონეცკის და ლუგანსკის სახალხო რესპუბლიკების აღიარების შესახებ. ჩვენ გავაგრძელებთ კონსულტაციებს ჩვენს მოკავშირეებთან და პარტნიორებთან, როგორც საკითხის დიპლომატიური გადაწყვეტის, ასევე, იმ შედეგების შესახებ, რომლებსაც რუსეთს დავაკისრებთ, თუ ის შემდგომ შეიჭრება უკრაინაში.

რუსეთი აგრძელებს ამ კრიზისის ესკალაციას, რომელიც, პირველ რიგში, მან შექმნა. ჩვენ გავაგრძელებთ დიპლომატიის გატარებას ტანკების გაშვებამდე, მაგრამ ჩვენ არ გვაქვს ილუზიები იმის შესახებ, თუ რა იქნება მომავალში. და ჩვენ მზად ვართ გადამწყვეტად ვუპასუხოთ, როცა ეს მოხდება“, - ნათქვამია თეთრი სახლის განცხადებაში. 

გერმანიის საგარეო საქმეთა მინისტრი კრისტიან ლინდნერი

გერმანიის საგარეო უწყების ხელმძღვანელმა პუტინის მიერ მიღებულ გადაწყვეტილებას რუსი ხალხის საზიანოდ მიღებული გადაწყვეტილება უწოდა. 

კრემლის ლიდერის გადაწყვეტილებას გაეროს გენერალური მდივანი ანტონიო გუტერეში გამოეხმაურა და მკაცრად დაგმოს უკრაინის რეგიონების „აღიარება“. 

„გაერო, გენერალური ასამბლეის შესაბამისი რეზოლუციების შესაბამისად, კვლავაც მხარს უჭერს უკრაინის სუვერენიტეტს, დამოუკიდებლობას და ტერიტორიულ მთლიანობას მის საერთაშორისოდ აღიარებულ საზღვრებში“, - აღნიშნა გუტერეშმა. 

უკრაინის რეგიონების „აღიარებას“ ჩინეთის პრეზიდენტი სი ძინპინიც გამოეხმაურა. ოფიციალურმა პეკინმა მხარეებს კრიზისის დიპლომატიური გზით მოგვარებისკენ მოუწოდა. 

დიდი ბრიტანეთის პრემიერ მინისტრი ბორის ჯონსონი

„ეს არის უკრაინის სუვერენიტეტისა და მთლიანობის უხეში დარღვევა... მინსკის პროცესისა და მინსკის შეთანხმებების უარყოფა.

გაერთიანებული სამეფო გააგრძელებს ყველაფერს, რისი გაკეთებაც შეგვიძლია, რათა უკრაინელი ხალხის გვერდით დადგეს სანქციების ძალიან მკაცრი პაკეტით“, - აცხადებს ჯონსონი. 

ევროკომისიის პრეზიდენტი ურსულა ფონ დერ ლაიენი

„უკრაინაში ორი სეპარატისტული ტერიტორიის აღიარება არის საერთაშორისო სამართლის, უკრაინის ტერიტორიული მთლიანობისა და მინსკის შეთანხმებების აშკარა დარღვევა. ევროკავშირი და მისი პარტნიორები უკრაინასთან სოლიდარობით რეაგირებენ ერთიანობით და მტკიცედ“, - აღნიშნა ფონ დერ ლაიენმა. 

ამასთან, კრემლის ლიდერის გადაწყვეტილებას პოლონეთის პრემიერ მინისტრი მატეუშ მორავეცკი გამოეხმაურა და განაცხადა, რომ „თვითგამოცხადებული „რესპუბლიკების“ აღიარების გადაწყვეტილება არის დიალოგის საბოლოო უარყოფა.

„ეს არის აგრესიის აქტი უკრაინის წინააღმდეგ, რომელსაც უნდა მოჰყვეს ცალსახა პასუხი დაუყოვნებელი სანქციების სახით“, - აღნიშნა მორავეცკიმ. 

„პუტინის სატელევიზიო გამოსვლა, რომელშიც მან დონეცკისა და ლუგანსკის სეპარატისტული რეგიონების აღიარების შესახებ გამოაცხადა, იყო აღმაშფოთებელი, ყალბი განცხადებების სერია, რომელიც მიზნად ისახავს ომის საბაბის შექმნას“, -  აღნიშნა გაეროში აშშ-ს მუდმივმა წარმომადგენელმა ლინდა თომას-გრინფილდმა განაცხადა.

თომას-გრინფილდის თქმით, პუტინმა მინსკის შეთანხმებები დაანაწევრა.

რუსეთის პრეზიდენტის განკარგულება რუსული ჯარების შეყვანის შესახებ უკრაინის ტერიტორიაზე და მისი მტკიცე რომ ისინი „სამშვიდობოები“ არიან ეს სისულელეა - „ჩვენ ვიცით, ვინ არიან ისინი სინამდვილეში“.

„რუსეთის ქმედებების შედეგები საშინელი იქნება უკრაინისთვის, ევროპისთვის და მთელი მსოფლიოსთვის“, - აღნიშნავს  გაეროში აშშ-ის მუდმივი წარმომადგენელი.

შეერთებული შტატების მუდმივი წარმომადგენლის თქმით, პუტინი აპირებს აჩვენოს, რომ ძალით შეუძლია „გაერო ფარსად აქციოს“.

„ჩვენ ერთად უნდა ვიმოქმედოთ ამ კრიზისის საპასუხოდ”, - აღნიშნა თომას-გრინფილდმა.

წყარო: aljazeera

ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.

ვლადიმერ პუტინის ვიდეომიმართვა, დაახლოებით 40 წუთის განმავლობაში მიმდინარეობდა. როგორც მან პირდაპირ ეთერში საუბრისას აღნიშნა, დონბასში ვითარებამ კვლავ კრიტიკული, მწვავე ხასიათი მიიღო. პუტინის განცხადებით, რუსეთისთვის უკრაინა უბრალოდ მეზობელი ქვეყანა არ არის.

ამავე თემაზე: 

📎 ვოლოდიმირ ზელენსკიმ რუსეთის მიერ ლუგანსკისა და დონეცკის დამოუკიდებლობის აღიარება ბაიდენთან განიხილა

📎 „მივიღე გადაწყვეტილება, ვაღიარო დონეცკისა და ლუგანსკის დამოუკიდებლობა“ - ვლადიმერ პუტინი

📎 შარლ მიშელი დონეცკისა და ლუგანსკის აღიარებასთან დაკავშირებით პუტინის გადაწყვეტილებას ეხმაურება

📎 მეგალომანი - რომელსაც სულ უფრო ცოტა დრო რჩება...

📎 აქვს თუ არა ვლადიმერ პუტინს გეგმა B და რა მოხდება თუ რუსეთი უკრაინაში შეიჭრება?