პუტინმა იცის სად მიჰყავს ქვეყანა - პესკოვი
1652776036
რუსეთის პრეზიდენტი ვლადიმერ პუტინი მოსახლეობის დიდი მხარდაჭერით სარგებლობს და მან იცის სად მიჰყავს ქვეყანა. ამის შესახებ პუტინის პრესმდივანმა დიმიტრი პესკოვმა მარათონზე „ახალი ჰორიზონტები“ სიტყვით გამოსვლისას განაცხადა. ინფორმაციას spbdnevnik.ru ავრცელებს.
„პუტინს ყველა თაობა მხარს უჭერს და მან იცის სად მიჰყავს ქვეყანა“, - განაცხადა პესკოვმა.
მან ასევე დაამატა, რომ კრიზისები რუსეთისთვის ყოველთვის განახლების და სრულყოფის პერიოდს წარმოადგენდა.
„ჩვენ დღეს რთულ, მაგრამ ძალზე საპასუხისმგებლო დროში ვცხოვრობთ. ათწლეულების განმავლობაში ჩვენი ქვეყანა ვითარდებოდა, კრიზისს უმკლავდებოდა, კრიზისებს განახლებისთვის და სრულყოფისთვის იყენებდა. ქვეყანა ვითარდებოდა და ის ხდებოდა უკეთესი, რათა მომდევნო თაობებს ახალი ჰორიზონტები და შესაძლებლობები გაეხსნას“, - განაცხადა პუტინის პრესმდივანმა.
აგრეთვე წაიკითხეთ:
👉კიევის რეგიონში, მაკაროვის მახლობლად, კიდევ ერთი მასობრივი საფლავი აღმოაჩინეს
👉შეერთებულ შტატებში ვარაუდობენ, რომ უკრაინა ყირიმისა და დონბასის აღებას შეძლებს
👉რუსულმა ძალებმა სევეროდონეცკის მიმართულებით უკან დაიხიეს - უკრაინის გენშტაბი
