რა არის SWIFT და შეიძლება თუ არა მისი პუტინის წინააღმდეგ გამოყენება?

უკრაინაში შეჭრის გამო რუსეთს სანქციები დაუწესდა, რასაც, ასევე, მისი ძირითადი გლობალური გადახდების სისტემიდან გამოყოფასთან დაკავშირებული მოწოდებები მოჰყვა. რუსეთის მსოფლიო ბანკთაშორისი ფინანსური ტელეკომუნიკაციების საზოგადოებიდან (SWIFT) გამორიცხვამ შეიძლება დააბრკოლოს რუსეთის ვაჭრობა მსოფლიოს უმეტეს ნაწილთან და მძიმე დარტყმა მიაყენოს მის ეკონომიკას.

მიუხედავად ამისა, ამერიკის შეერთებულმა შტატებმა და ევროკავშირმა გადაწყვიტა, რომ რუსეთი SWIFT-ს არ ჩამოაშოროს, თუმცა ამ შესაძლებლობის ხელახლა განხილვისთვის კარს ღია ტოვებს. 

🔴 რა არის SWIFT და რას აკეთებს ის?

SWIFT არის ქსელი, რომელსაც ბანკები ფულის გადარიცხვისა და სხვა ტრანზაქციების შესახებ უსაფრთხო შეტყობინებების გასაგზავნად იყენებენ.

თითქმის 200 ქვეყანაში 11000-ზე მეტი ფინანსური ინსტიტუტი იყენებს SWIFT-ს, რაც ამ ქსელს საერთაშორისო ფინანსური გადარიცხვების სისტემის ხერხემლად აქცევს.

🔴 ვინ ფლობს SWIFT-ს?

SWIFT კოოპერატიული კომპანიაა, რომელიც ბელგიის კანონმდებლობით მოქმედებს. ვებსაიტზე ნათქვამია, რომ „მას ფლობენ და აკონტროლებენ მისი აქციონერი ფინანსური ინსტიტუტები, რომელთა ფირმების რაოდენობაც, მთელი მსოფლიოს მასშტაბით,  3,500-ს შეადგენს.

სისტემას ზედამხედველობს G10 ცენტრალური ბანკები, ისევე როგორც ევროპის ცენტრალური ბანკი, ხოლო მთავარი ზედამხედველია ბელგიის ეროვნული ბანკი გახლავთ.

🔴 როგორია ურთიერთობა SWIFT-სა და რუსეთს შორის?

რუსეთის ეროვნული SWIFT ასოციაციის მონაცემებით, რუსეთის სისტემას დაახლოებით 300 რუსული ფინანსური ინსტიტუტი ეკუთვნის, რაც ამერიკის შეერთებული შტატების შემდეგ მონაცემებით ყველაზე მეტია.

რუსეთის ფინანსური ინსტიტუტების ნახევარზე მეტი SWIFT-ის წევრია.

ალისია გარსია ჰერერომ, აზიის წყნარი ოკეანის მთავარმა ეკონომისტმა ჰონგ კონგში, თქვა, რომ რუსეთისთვის  SWIFT-ზე წვდომის აკრძალვა სერიოზული დარტყმა იქნებოდა ქვეყნისთვის.

„ეს უფრო დიდი რამაა, ვიდრე ევროკავშირის მიერ გაზის იმპორტის შეჩერება რუსეთიდან“, - განაცხადა გარსია ჰერერომ.

🔴 რა თქვა რუსეთმა აღნიშნულ საკითხთან დაკავშირებით?

რუსეთის ფედერაციის საბჭოს ვიცე-სპიკერმა, ნიკოლაი ჟურავლევმა, იანვარში აღიარა, რომ ქვეყნის ქსელიდან განდევნა შესაძლებელია.

„SWIFT არის ანგარიშსწორების სისტემა, ეს არის სერვისი. ამიტომ, თუ რუსეთი SWIFT-ს გათიშავს, მაშინ ჩვენ ვერ მივიღებთ [უცხოურ] ვალუტას, მაგრამ მყიდველები, პირველ რიგში ევროპის ქვეყნები, ვერ მიიღებენ ჩვენს საქონელს - ნავთობს, გაზს, ლითონებს და მათი იმპორტის სხვა მნიშვნელოვან კომპონენტებს. მათ ეს სჭირდებათ? არ ვარ დარწმუნებული“, - განაცხადა ჟურავლევმა რუსული სააგენტო TASS-ის ცნობით.

ჟურავლევმა, ასევე, აღნიშნა, რომ მიუხედავად იმისა, რომ SWIFT მოსახერხებელია, ეს არ არის ფულის გადარიცხვის ერთადერთი გზა და ისეთი გადაწყვეტილება, როგორიც არის ქვეყნისთვის ამ სერვისის შეჩერება, ასოციაციის წევრებს შორის ერთსულოვნებას საჭიროებს.

„SWIFT არის ევროპული კომპანია, ასოციაცია, რომელშიც ბევრი ქვეყანაა ჩართული“, - განაცხადა ჟურავლევმა.

🔴 არის თუ არა, რუსეთის მუქარა SWIFT-ის ქსელის გაუქმებასთან დაკავშირებით, დამაჯერებელი?

ტაქტიკურად, „უპირატესობები და უარყოფითი მხარეები სადავოა“, - ამის შესახებ ბრიუსელში დაფუძნებული ბრიუგელის კვლევითი ცენტრის დირექტორმა გუნტრამ ვოლფმა განაცხადა.

პრაქტიკული თვალსაზრისით, SWIFT-ის სისტემიდან გასვლა ნიშნავს, რომ რუსული ბანკები ვეღარ გამოიყენებენ მას უცხოურ ფინანსურ ინსტიტუტებთან გადახდების განსახორციელებლად, ან მისაღებად.

დასავლური ქვეყნები 2014 წელს, ყირიმის ანექსიის შემდეგ, რუსეთს SWIFT-დან გარიცხვით დაემუქრნენ. მაგრამ ასეთი დიდი ეკონომიკის გარიცხვას - რუსეთი ნავთობისა და გაზის მნიშვნელოვანი ექსპორტიორია - შეიძლება მნიშვნელოვანი შედეგები მოჰყვეს სხვა ქვეყნებისთვისაც.

ნიდერლანდების პრემიერ მინისტრმა მარკ რუტემ აღიარა, რომ აკრძალვა „სენსიტიურია“ ევროკავშირის ზოგიერთი ქვეყნისთვის, რადგან ეს „მნიშვნელოვნად დიდ გავლენას მოახდენს ჩვენზე“.

„ეს იქნება ნამდვილი თავის ტკივილი“, - თქვა ვოლფმა და დასძინა, რომ გავლენა განსაკუთრებით დიდი იქნება ევროპის ქვეყნებისთვის, რომლებიც მნიშვნელოვან სავაჭრო საქმიანობას ეწევიან რუსეთთან, რომელიც  კონტინენტის ბუნებრივი აირის 41 პროცენტს აწვდის მათ.

ჰერერომ განაცხადა, რომ რუსეთის გარიცხვა ძვირად დაუჯდება „ობლიგაციების მფლობელებს, ევროკავშირის ბანკებისა და ენერგიის იმპორტიორების“.

ამგვარმა აკრძალვამ, ასევე, შეიძლება ხელი შეუწყოს იმ ფაქტს, რომ მოსკოვმა, ჩინეთთან ან სხვა ქვეყნებთან ერთად, დააჩქაროს ალტერნატიული ტრანსფერების სისტემის განვითარება, რაც პოტენციურად შეამცირებს აშშ-ის დომინირებას ფინანსურ სისტემაში.

მასალა მომზადებულია ALJAZEERA-ს მიხედვით.

იხილეთ აგრეთვე:

📢 „ნატომ გადამწყვეტი ნაბიჯი უნდა გადადგას“ - ერდოღანი

📢 თურქეთი რუსი სამხედროებისთვის ბოსფორისა და დარდანელის სრუტეებს კეტავს

📢 რუსული დესანტი კიევში დაშვებას ცდილობს

📢 ვორონეჟში რუსული სამხედრო თვითმფრინავი ჩამოვარდა

📢 „საკუთარ სისხლში იცურავებენ“ - ვალერი ზალუჟნი

📢 როგორ ანადგურებს „ბაირაქტარი“ უკრაინაში რუსეთის შეიარაღებულ ძალებს (ვიდეო)

📢 18 რუსული სადესანტო თვითმფრინავი კიევში ერთ საათში ჩაფრინდება - უახლესი ცნობები

📢 „თუ რუსების არტილერია დააზიანებს ბირთვული ნარჩენების კოლექტორებს, რადიოაქტიური მტვერი გავრცელდება უკრაინის, ბელარუსის და ევროკავშირის ქვეყნის ტერიტორიაზე“ - ანტონი გერაშენკო

📢 რუსეთის ულტიმატუმი - მოსკოვი უკრაინის ნეიტრალიტეტს ითხოვს