„ომიკრონის“ გამო შემთხვევები გაიზრდება, ისევ ავალთ 10 000 ინფიცირებულზე“ - თენგიზ ცერცვაძე
1640506154
ინფექციური პათოლოგიებისა და შიდსის ცენტრის დირექტორი თენგიზ ცერცვაძე „იმედის“ ეთერში აცხადებს, რომ „ომიკრონის“ გავრცელების გამო შემთხვევები მოიმატებს და საქართველოში კვლავ დაფიქსირდება დღიურად 5 000 ინფიცირება.
მისი თქმით, „ომიკრონის“ გავრცელების შეჩერება ზომების მიუხედავად შეუძლებელია და მის წინააღმდეგ ერთ-ერთი იარაღი ვაქცინაციაა.
„ახლა არის დაახლოებით 50-მდე ავადმყოფი საქართველოში. მიიღება ყველა ზომები, რომ „ომიკრონი“ არ გავრცელდეს, იკვლევენ მათ კონტაქტებს, ცდილობენ მათ იზოლირებას, მაგრამ მსოფლიომ უჩვენა, რომ ეს შეუძლებელია.
საქართველოშიც სამწუხაროდ, გავრცელდება და გვექნება ახალი გამოწვევა. მეტ-ნაკლებად იყო სტაბილურობა ახლა, 2-3 ათასზე მეტი ახალი შემთხვევა არ იყო, და მიუხედავად იმისა, რომ ჩვენთან დაბალია ვაქცინაციით მოცვა, დაბალია პირბადეების გამოყენება, მაინც მოხერხდა სტაბილიზაცია. დღესაც 2000-ზე ცოტა შემთხვევა იყო დაფიქსირებული. მოსალოდნელია, რომ „ომიკრონის“ შემთხვევაში მოხდება ისევ მნიშვნელოვანი მატება, ისევ ავალთ 4000-ზე, 5000-ზე, შეიძლება 10000-ზეც“, - განაცხადა თენგიზ ცერცვაძემ.
აგრეთვე წაიკითხეთ:
⚫ „გაუქმებული ღონისძიება უკეთესია, ვიდრე გაუქმებული სიცოცხლე“ - ტედროს ადანომ გებრეისუსი
⚫„ომიკრონისგან“ განსაკუთრებით ბუსტერ დოზა იცავს“ - თენგიზ ცერცვაძე
⚫„3-ჯერ ვაქცინირებულებსაც შეუძლიათ კორონავირუსის გადაცემა“ - BioNTech-ის აღმასრულებელი დირექტორი
⚫„ომიკრონი“ ადვილად აზიანებს ბავშვებს“ - ამირან გამყრელიძე
⚫„ომიკრონი“ იქნება ის შტორმი, რომელიც გადაუვლის საქართველოს“ - დევი ტაბიძე
⚫ „მონოკლინური ანტისხეულები „ომიკრონზე“ საერთოდ არ მუშაობს“ - ზაზა წერეთელი
