დარწმუნებული ვარ, თავისუფალი ქვეყნების ზეწოლა რუსეთს ადრე თუ გვიან აიძულებს უკრაინის ტერიტორიების დატოვებას - ჩეხეთის პრეზიდენტი
1672074752
ჩეხეთის პრეზიდენტმა, მილოშ ზემანმა საშობაო მიმართვაში უკრაინას მხარი დაუჭირა.
ზემანმა უკრაინაში რუსეთის შეჭრას წლის ყველაზე მნიშვნელოვანი მოვლენა უწოდა. მან ხაზი გაუსვა, რომ ყოველთვის იყო რუსეთთან სწორი ეკონომიკური ურთიერთობების მომხრე, ძირითადად, შედარებით იაფი ენერგორესურსების მიწოდების გამო.
„მაგრამ არის სიტუაციები, როდესაც ეკონომიკური ინტერესები უსაფრთხოების ინტერესებს უნდა დაემორჩილოს“, - განაცხადა მან.
ზემანის თქმით, უკრაინაში მიმდინარე მოვლენები საფრთხეს უქმნის გლობალურ უსაფრთხოებას, მათ შორის ჩეხეთის უსაფრთხოებას.
„ამიტომ მე სრულად ვუჭერ მხარს ჩეხეთის დახმარებას უკრაინისადმი. დარწმუნებული ვარ, რომ თავისუფალი ქვეყნების ზეწოლა, ადრე თუ გვიან, აიძულებს რუსეთს უკრაინის ტერიტორიების დატოვებას“, - დასძინა მან.
ასევე დაგაინტერესებთ:
👉 რუსეთის ქმედებების გამო რამდენიმე გემი თურქეთის წყლებში შემოწმებას თვეზე მეტია ელოდება - უკრაინა
👉 ვლადიმერ პუტინმა სამხედრო სამრეწველო კომისიაში მის პირველ მოადგილედ დიმიტრი მედვედევი დანიშნა
