„მათ არ ეშინიათ დასჯის“ - ანალიტიკოსების თქმით, რუსეთში პუტინს და რუსეთის თავდაცვის სამინისტროს სულ უფრო მეტად აკრიტიკებენ
1674106231
ომის შესწავლის ინსტიტუტის (ISW) თანახმად, რუსეთის ფედერაციაში ზოგიერთ პირს ახლა შეუძლია გააკრიტიკოს რუსი დიქტატორი ვლადიმერ პუტინი და ძალაუფლების უმაღლესი ეშელონები.
ამერიკელი ანალიტიკოსების აზრით, ევგენი პრიგოჟინი, კერძო სამხედრო კომპანიის Wagner-ის ხელმძღვანელი და სხვები, როგორიცაა ტერორისტი იგორ სტრელკოვ-გირკინი, სულ უფრო მეტად აკრიტიკებენ რუსეთის თავდაცვის სამინისტროს, კრემლს და თავად პუტინს.
„პრიგოჟინმა პირდაპირ შეუტია რუსეთის პრეზიდენტის ვლადიმერ პუტინის საპრეზიდენტო ადმინისტრაციას და მიანიშნა, რომ ზოგიერთი ჩინოვნიკი, რომელიც იქ მუშაობს, არის მოღალატე, რომელთაც სურთ, რუსეთმა წააგოს ომი უკრაინაში. ეს არის პრიგოჟინის ერთ-ერთი ყველაზე თამამი თავდასხმა კრემლზე დღემდე.
პრიგოჟინი და სხვა გამოჩენილი რუსი ნაციონალისტები, როგორიცაა იგორ გირკინი ხსნიან ახალ სექტორს რუსულ საინფორმაციო სივრცეში, სადაც გარკვეულ ფიგურებს შეუძლიათ გააკრიტიკონ პუტინი და რუსეთის ხელისუფლების უმაღლესი ეშელონები დასჯის გარეშე“, - აცხადებენ ანალიტიკოსები.
აგრეთვე წაიკითხეთ:
✔️ რუსეთი უახლოეს თვეებში უკრაინაში ახალი შეტევისთვის ემზადება - ანჯეი დუდა
✔️ „საქართველო დასავლეთის ზეწოლის ქვეშ იმყოფება, თუმცა მას უძლებს, ამას პატივს ვცემთ“ - ლავროვი
✔️ პუტინმა, შესაძლოა, მობილიზაციის ახალი ტალღა დღეს გამოაცხადოს - ISW
