„დაგვსაჯეთ! საშიში არაფერია“ - დიმიტრი პესკოვი აშშ-სა და ევროკავშირს
1646149881
რუსეთის ფედერაციის პრეზიდენტის პრესმდივნის დიმიტრი პესკოვის თქმით, რუსეთი, მიუხედავად მის წინააღმდეგ დაწესებული სანქციებისა, აგრძელებს მუშაობას იმ იმედით, რომ ევროკავშირში გამოჩნდებიან ისეთი პოლიტიკოსები, რომლებიც გააცნობიერებენ მოსკოვთან ურთიერთობების განვითარების აუცილებლობას. ამის შესახებ პესკოვმა tass.ru-სთან ისაუბრა.
ვლადიმერ პუტინის პრესმდივანმა აღნიშნა, რომ ამერიკული პრაქტიკა სანქციების დაწესებასთან დაკავშირებით „ბაცილასავით“ გავრცელდა ევროკავშირშიც. თუმცა, მისი თქმით, შეზღუდვების დაწესება ვერ აიძულებს რუს პოლიტიკოსებს საკუთარი პოზიციების შეცვლას.
„ზოგადად, სანქციების ასეთი აპოლოგეტი არის შეერთებული შტატები. ისინი სანქციების ფანატები არიან. ბუნებრივია, სანქციების დაწესების ამგვარი დამოკიდებულება „ბაცილასავით“გავრცელდა ევროპაზეც“, - აღნიშნა პესკოვმა და დასძინა, რომ სანქციების დაწესება ვერ აიძულებს რუს პოლიტიკოსებს საკუთარი პოზიციების შეცვლას.
„ცალსახაა, რომ ამაზე საუბარიც კი არ არის. არცერთი ჩვენგანი საკუთარ თანმიმდევრულ პოზიციებს არ შეიცვლის“, - განაცხადა დიმიტრი პესკოვმა.
მისი თქმით, კოლექტიურ დასავლეთს სურს ამგვარი მეთოდით რუსეთი დასაჯოს, თუმცა, მისივე თქმით, ამით მაინც არაფერი შეიცვლება:
„დაგვსაჯეთ! ჩვენ არანაირი აქტივები და ანგარიშები არ გვაქვს დასავლეთში. დაგვსაჯეთ! საშიში არაფერია“, - აღნიშნა მან.
დიმიტრი პესკოვის თქმით, რუსეთის წინააღმდეგ მიღებული ყველა სანქციის მიუხედავად, რუსეთი გააგრძელებს მუშაობას იმ იმედით, რომ ევროკავშირში გამოჩნდებიან ისეთი პოლიტიკოსები, რომლებიც გააცნობიერებენ მოსკოვთან ურთიერთობების განვითარების აუცილებლობას.
„რა თქმა უნდა, მაინც გავაგრძელებთ მუშაობას. დროთა განმავლობაში ხომ გამოჩნდებიან ევროკავშირში ფართო ხედვის მქონე ლიდერები, რომლებიც გააცნობიერებენ ჩვენს ქვეყანასთან ურთიერთობების განვითარების აუცილებლობას. ჩვენც ვიმუშავებთ ამ პერსპექტივაზე“, - განაცხადა დიმიტრი პესკოვმა.
აგრეთვე წაიკითხეთ:
📣 კადიროვის ჯგუფი, რომელსაც ზელენსკის ლიკვიდაცია ევალებოდა, განადგურდა - ოლექსი დანილოვი
📣 რუსმა სამხედროებმა გემზე ბუნტი მოაწყვეს
📣 „დადგა დრო, ამერიკული ბირთვული იარაღი სახლში დავაბრუნოთ“ - სერგეი ლავროვი
📣 პუტინმა სანქციებზე რეაგირების შესახებ განკარგულებას ხელი მოაწერა
📣 „სამხედრო ოპერაციის შემდეგ რუსეთი უკრაინაში არჩევნებს არ ჩაატარებს“ - პესკოვი
📣 უკრაინაში თვითმფრინავებს არ ვაგზავნით, ნატო არ არის ამ კონფლიქტის მხარე - ანჟეი დუდა
