„დონეცკისა და ლუგანსკის დამოუკიდებლად ცნობა საჭიროებს სწრაფ და მტკიცე პასუხს“ - ენტონი ბლინკენი
1645508098
აშშ-ის სახელმწიფო მდივანი ენტონი ბლინკენი რუსეთის მიერ ოკუპირებული დონეცკისა და ლუგანსკის დამოუკიდებლად აღიარებას „ტვიტერზე“ ეხმაურება.
„კრემლის მიერ ე.წ. დონეცკისა და ლუგანსკის სახალხო რესპუბლიკების დამოუკიდებლობის აღიარება სწრაფ და მტკიცე პასუხს საჭიროებს და ჩვენ მივიღებთ შესაბამის ნაბიჯებს ჩვენს პარტნიორებთან კოორდინაციით“, - წერს ბლინკენი.
ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.
ვლადიმერ პუტინის ვიდეომიმართვა, დაახლოებით 40 წუთის განმავლობაში მიმდინარეობდა. როგორც მან პირდაპირ ეთერში საუბრისას აღნიშნა, დონბასში ვითარებამ კვლავ კრიტიკული, მწვავე ხასიათი მიიღო. პუტინის განცხადებით, რუსეთისთვის უკრაინა უბრალოდ მეზობელი ქვეყანა არ არის.
ამავე თემაზე:
📎 ვოლოდიმირ ზელენსკიმ რუსეთის მიერ ლუგანსკისა და დონეცკის დამოუკიდებლობის აღიარება ბაიდენთან განიხილა
📎„დონეცკი და ლუგანსკი უკრაინაა“ - იენს სტოლტენბერგი
📎„პუტინი ომის საბაბს ქმნის“ - ლინდა თომას-გრინფილდი
📎 „მივიღე გადაწყვეტილება, ვაღიარო დონეცკისა და ლუგანსკის დამოუკიდებლობა“ - ვლადიმერ პუტინი
📎 შარლ მიშელი დონეცკისა და ლუგანსკის აღიარებასთან დაკავშირებით პუტინის გადაწყვეტილებას ეხმაურება
📎 მეგალომანი - რომელსაც სულ უფრო ცოტა დრო რჩება...
📎 აქვს თუ არა ვლადიმერ პუტინს გეგმა B და რა მოხდება თუ რუსეთი უკრაინაში შეიჭრება?
