გერმანიის, საფრანგეთისა და აშშ-ის ლიდერები აცხადებენ, რომ რუსეთის მიერ უკრაინის სეპარატისტული რეგიონების აღიარება უპასუხოდ არ დარჩება
1645510858
„რუსეთის მიერ უკრაინის სეპარატისტული რეგიონების აღიარება უპასუხოდ არ დარჩება“, - ამის შესახებ გერმანიის, საფრანგეთისა და აშშ-ის ლიდერები აცხადებენ.
„გერმანიის კანცლერი ოლაფ შოლცი, საფრანგეთის პრეზიდენტი ემანუელ მაკრონი და აშშ-ის პრეზიდენტი ჯო ბაიდენი შეთანხმდნენ, რომ რუსეთის პრეზიდენტის ვლადიმერ პუტინის ბრძანებულებები უკრაინის ორი სეპარატისტული პრომოსკოვური რეგიონის დამოუკიდებლად აღიარების შესახებ უპასუხოდ არ დარჩება“, - აღნიშნა შოლცის სპიკერმა.
გერმანიის კანცლერი ესაუბრა ბაიდენსა და მაკრონს რუსეთის პრეზიდენტის მიერ დონეცკისა და ლუგანსკის სეპარატისტული რეგიონების აღიარების შემდეგ.
„სამივე მხარე შეთანხმდა, რომ რუსეთის ეს ცალმხრივი ნაბიჯი არის მინსკის შეთანხმების აშკარა დარღვევა. გერმანიამ, საფრანგეთმა და აშშ-მ მკვეთრად დაგმეს რუსეთის პრეზიდენტის გადაწყვეტილება. ეს ნაბიჯი უპასუხოდ არ დარჩება“, - განაცხადა სპიკერმა.
ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.
ვლადიმერ პუტინის ვიდეომიმართვა, დაახლოებით 40 წუთის განმავლობაში მიმდინარეობდა. როგორც მან პირდაპირ ეთერში საუბრისას აღნიშნა, დონბასში ვითარებამ კვლავ კრიტიკული, მწვავე ხასიათი მიიღო. პუტინის განცხადებით, რუსეთისთვის უკრაინა უბრალოდ მეზობელი ქვეყანა არ არის.
ამავე თემაზე:
📎 ვოლოდიმირ ზელენსკიმ რუსეთის მიერ ლუგანსკისა და დონეცკის დამოუკიდებლობის აღიარება ბაიდენთან განიხილა
📎„დონეცკი და ლუგანსკი უკრაინაა“ - იენს სტოლტენბერგი
📎„პუტინი ომის საბაბს ქმნის“ - ლინდა თომას-გრინფილდი
📎 „მივიღე გადაწყვეტილება, ვაღიარო დონეცკისა და ლუგანსკის დამოუკიდებლობა“ - ვლადიმერ პუტინი
📎 შარლ მიშელი დონეცკისა და ლუგანსკის აღიარებასთან დაკავშირებით პუტინის გადაწყვეტილებას ეხმაურება
📎 მეგალომანი - რომელსაც სულ უფრო ცოტა დრო რჩება...
📎 აქვს თუ არა ვლადიმერ პუტინს გეგმა B და რა მოხდება თუ რუსეთი უკრაინაში შეიჭრება?
