რუსეთი არ დაუშვებს ახალ ხოცვა-ჟლეტას დონბასში - გაეროში რუსეთის ელჩი
1645514305
„მოსკოვის მიერ ოკუპირებული დონეცკისა და ლუგანსკის დამოუკიდებლობის აღიარება არ ცვლის მინსკის შეთანხმებების მხარეთა შემადგენლობას და უკრაინის ვალდებულებას შეასრულოს ისინი“, - განაცხადა გაეროში რუსეთის მუდმივმა წარმომადგენელმა ვასილი ნებენზიამ.
მისი თქმით, მინსკის შეთანხმებები მკვდარი არაა.
„კიევი კვლავ ვალდებულია შეასრულოს ისინი. ჩვენ კვლავ ღია ვართ დიპლომატიური გადაწყვეტისთვის, მაგრამ აღარ ვაპირებთ დონბასში ახალი სისხლიანი ხოცვა-ჟლეტის დაშვებას“, - აღნიშნა რუსეთის ელჩმა.
რუსეთის ელჩი გაეროში აცხადებს, რომ რუსეთი მინსკის შეთანხმებების მხარეს არ წარმოადგენს.
„ის ფაქტი, რომ რუსეთმა დონეცკისა და ლუგანსკის დამოუკიდებლობა აღიარა, მინსკის შეთანხმებების მხარეთა შემადგენლობას არ ცვლის. რუსეთი ამ შეთანხმებაში მხარეს არ წარმოადგენს. ჩვენ ეს არაერთხელ განვაცხადეთ და, შესაბამისად, არაფერი შეცვლილა ამ კუთხით. მინსკის შეთანხმებები, რომლის დებულებების ნაწილი ჯერ კიდევ 2015 წელს უნდა განხორციელებულიყო, დიდი ხანია უკრაინა ღიად არღვევს“, - განაცხადა ვასილი ნებენზიამ.
ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.
ვლადიმერ პუტინის ვიდეომიმართვა, დაახლოებით 40 წუთის განმავლობაში მიმდინარეობდა. როგორც მან პირდაპირ ეთერში საუბრისას აღნიშნა, დონბასში ვითარებამ კვლავ კრიტიკული, მწვავე ხასიათი მიიღო. პუტინის განცხადებით, რუსეთისთვის უკრაინა უბრალოდ მეზობელი ქვეყანა არ არის.
ამავე თემაზე:
📎 ვოლოდიმირ ზელენსკიმ რუსეთის მიერ ლუგანსკისა და დონეცკის დამოუკიდებლობის აღიარება ბაიდენთან განიხილა
📎„დონეცკი და ლუგანსკი უკრაინაა“ - იენს სტოლტენბერგი
📎„პუტინი ომის საბაბს ქმნის“ - ლინდა თომას-გრინფილდი
📎 „მივიღე გადაწყვეტილება, ვაღიარო დონეცკისა და ლუგანსკის დამოუკიდებლობა“ - ვლადიმერ პუტინი
📎 შარლ მიშელი დონეცკისა და ლუგანსკის აღიარებასთან დაკავშირებით პუტინის გადაწყვეტილებას ეხმაურება
📎 მეგალომანი - რომელსაც სულ უფრო ცოტა დრო რჩება...
📎 აქვს თუ არა ვლადიმერ პუტინს გეგმა B და რა მოხდება თუ რუსეთი უკრაინაში შეიჭრება?
