„ამ ხალხს რასაც ვერ დაუკარგავ არის ის, რომ დეტალებში იხილავენ, რომ საქართველომ უნდა გაიღვიძოს, აფხაზეთში უნდა გაისეირნოს“ - გურამ მაჭარაშვილი უკრაინის ხელისუფლებაზე
1660035157
დამოუკიდებელი დეპუტატი გურამ მაჭარაშვილი უკრაინის პრეზიდენტის აპარატის უფროსის მრჩევლის მიხაილო პოდოლიაკის განცხადებას ეხმაურება, რომელმაც თქვა, „საქართველომ უნდა აირჩიოს მხარს უჭერს კაციჭამიებს თუ თავისუფლებას, აქ რუხი ტონები არ არსებობს“.
მაჭარაშვილის თქმით, პოდოლიაკის ეს განცხადება კიდევ ერთი დასტურია იმისა, რომ უკრაინის ხელისუფლებას საქართველოს ომში ჩართვა სურს.
„არ ვიცი, კიდევ როგორი სიზუსტით და გულწრფელობით უნდა თქვას პოდოლიაკმა და ზოგადად უკრაინის ხელისუფლების მაღალი თანამდებობის პირებმა, რომ საქართველოში სამხედრო კონფლიქტი უნდა იყოს. ამ ხალხს რასაც ვერ დაუკარგავ ის არის, რომ საჯაროდ, დეტალებში იხილავენ, რომ საქართველომ უნდა გაიღვიძოს, აფხაზეთში უნდა გაისეირნოს და პირდაპირი საომარი მოქმედებების მოწოდება არის. ეს იმას ნიშნავს, რომ უკრაინის ხელისუფლების მაღალი თანამდებობის პირები, რომლებიც სამწუხაროდ, არ არიან მარტო, მოუწოდებენ საქართველოს ომში ჩართვისკენ, რაც, რა თქმა უნდა, მხოლოდ ჩვენი მტრის ინტერესებში შედის“, - განაცხადა მაჭარაშვილმა.
ასევე დაგაინტერესებთ:
👉 ვოლოდიმირ ზელენსკი დასავლეთს მოუწოდებს, რუსეთის ყველა მოქალაქეს საზღვრები ჩაუკეტონ
