პუტინის ბირთვული რიტორიკა დასავლეთის დასაშინებლად არის მიმართული - ISW
1671689340
კრემლის ლიდერი ვლადიმერ პუტინი აგრძელებს ბირთვულ რიტორიკას მისი შიდა ნაციონალისტური აუდიტორიის დასამშვიდებლად და დასავლეთის დასაშინებლად, - ამის შესახებ RBC-Ukraine ომის კვლევის ინსტიტუტზე (ISW) დაყრდნობით იუწყება.
ანალიტიკოსებმა აღნიშნეს, რომ რუსი დიქტატორის განცხადებები ბირთვულ იარაღთან დაკავშირებით, კერძოდ ჰიპერბგერითი ქობინი „ავანგარდი“ ან საკონტინენტთაშორისი ბალისტიკური რაკეტები „სარმატ“ არ მიუთითებს რუსეთის მზადყოფნაზე მათი გამოყენებისთვის.
„კრემლი რეგულარულად იყენებს ბირთვულ რიტორიკას ულტრამემარჯვენე რუსული საზოგადოების სიძლიერის დემონსტრირებისთვის, რომელიც ადანაშაულებს რუსეთის თავდაცვის სამინისტროს იმაში, რომ ვერ გადადგა საკმარისად აგრესიული ნაბიჯები უკრაინაში ომის მხარდასაჭერად“, - განმარტა ISW.
ექსპერტებმა, ასევე, დაამატეს, რომ კრემლის ოფიციალური პირები ვერ გაბედავენ ბირთვული იარაღის გამოყენებას ბრძოლის ველზე.
აგრეთვე წაიკითხეთ:
👉 რუსეთში საყოველთაო მობილიზაციისა და საზღვრების ჩაკეტვის საკითხს განიხილავენ - დანილოვი
