„ევროპარლამენტარი ანდრიუს კუბილიუსი მიხეილ სააკაშვილს, შიმშილობის შეწყვეტისკენ მოუწოდებს“, - ამის შესახებ ევროპარლამენტის წვერმა ვებინარზე განაცხადა.
მისი თქმით, ერთ-ერთი გამოსავალი მიხეილ სააკაშვილის ექსტრადიციაა.
„ყოფილ პრეზიდენტს სააკაშვილს მოვუწოდებ შეწყვიტოს შიმშილობა, ჯანმრთელობა მეტად მნიშვნელოვანია, ვიდრე სხვა რამე. მოვუწოდებ ოპოზიციას ღრმად ჩაიხედონ თავიანთ სტრატეგიაში, მათ უნდა გაიაზრონ ხალხის გული როგორ მოიგონ. ვაღიაროთ, რომ ბოლო 2 წლის განმავლობაში ისინი წარმატებულები არ იყვნენ. ვფიქრობ, რომ გამოსავალი შიმშილობის შეწყვეტაში ან მის ექსტრადირებაშია“, - აღნიშნა ანდრიუს კუბილიუსმა.
შეგახსენებთ, რომ ოპოზიცია 10 ნოემბრიდან ყოველდღიურად რამდენიმე ადგილზე საპროტესტო აქციებს გეგმავს.
ყოფილი პრეზიდენტი მიხეილ სააკაშვილი თბილისში პირველ ოქტომბერს დააკავეს.
სააკაშვილი თავს პოლიტპატიმრად მიიჩნევს და პროტესტის ნიშნად დაკავების დღიდან ამ დრომდე შიმშილობს.
8 ნოემბერს, პენიტენციურმა სამსახურმა განაცხადა, რომ სააკაშვილი გლდანის N18 ციხის საავადმყოფოში გადაიყვანეს.
აგრეთვე წაიკითხეთ: 👇
👉 „ევროკავშირში გაწევრიანებისგან ახლა უფრო შორს ხართ, ვიდრე ოდესმე“ - ვიოლა ფონ კრამონი